Уладальнік аднаго з шынамантажоў, што працуе на завулку Дзяржынскага ў Гродне, дае 20% зніжку на паслугі ўсім, хто прад’явіць «ліст шчасця"з падатковай.
«Мы ўсё бачым і разумеем, але з-за нашых законаў па сутнасці адкрыта апратэставаць гэта мы не можам. Наша акцыя хоць і трохі з гумарам, але як камусьці сапраўды можа дапамагчы захаваць бюджэт», — распавёў уладальнік шынамантажу Павел.
Дэкрэт прэзідэнта № 3 «Аб папярэджанні сацыяльнага ўтрыманства» абавязвае грамадзян Беларусі, замежных грамадзян і асоб без грамадзянства, якiя пастаянна жывуць у Беларусі, якія не ўдзельнічалі ў фінансаванні дзяржаўных расходаў або ўдзельнічалі ў такім фінансаванні менш 183 каляндарных дзён у мінулым годзе, заплаціць збор у памеры 20 базавых велічынь.
Падатковыя інспекцыі ўжо выслалі патэнцыйным «дармаедам» больш за 240 тысяч «лістоў шчасця».
