Фота: Ірына Новік
У Гродне з’явіцца ўніверсальны цэнтр па працы з грамадзянамі, які аб’ядноўвае пад адным дахам усе неабходныя службы. Пра гэта ў эфіры тэлеканала «ГродноПлюс» распавёў старшыня Гродзенскага гарвыканкама Мечыслаў Гой, паведамляе БЕЛТА.
Рэалізацыя праекта па стварэнні ўніверсальнага цэнтра па працы з грамадзянамі пачнецца ў бягучым годзе. Фінансавацца праект будзе са сродкаў ПРААН. На рэканструкцыю будынка і рамонт будзе выдзелена каля 300 тыс. еўра.
«Цэнтр будзе абсталяваны добрым сучасным абсталяваннем. Гэта пілотны праект для ўсёй краіны: нам удалося даказаць, што менавіта ў Гродне мы зможам яго рэалізаваць», — адзначыў Мечыслаў Гой.
Пры стварэнні цэнтра будзе ўлічвацца еўрапейскі вопыт: у адным месцы наведвальнік можа вырашыць адразу некалькі пытанняў ад аплаты да атрымання неабходных дакументаў і даведак. Рэалізаваць праект плануецца на працягу 2017−2018 гадоў.
Старшыня гарвыканкама адзначыў, што сярод іншых абласных цэнтраў у Гродна найменшая колькасць зваротаў грамадзян. «Памяншэнне колькасці зваротаў звязана з тым, што службы на месцах працуюць нядрэнна, — растлумачыў Мечыслаў Гой. — Аднак ёсць патэнцыял для паляпшэння работы».
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…