Горад

У цэнтры Гродна прадублююць гістарычнымі варыянтамі назвы 16 вуліц

Тапанімічная камісія на паседжанні ў Гродзенскім гарвыканкаме 17 студзеня разгледзела і ўзгадніла першы этап дублявання сучасных назв цэнтральных вуліц іх гістарычнымі варыянтамі. На пасяджэнні прысутнiчалi гісторыкі, архітэктары і прадстаўнікі ўлады. У выніку вырашылі на першым этапе будзе прадубляваць назвы 16 з 43 адабраных вуліц.

У спіс 16 адабраных ўвайшлі: вул. Баторыя, вул. Вялікая Траецкая, вул. Будзёнага, вул. Гараднiчанская, вул. Кірава, вул. Леніна, вул. Карла Маркса, вул. Ажэшкi, вул. Кастрычніцкая, вул. Парыжскай Камуны, вул. Свярдлова, вул. Савецкая, пл. Савецкая, вул. Сацыялістычная, вул. Тэльмана, вул. Урыцкага.

Складаў спіс усіх гістарычных назваў вуліц гісторык Андрэй Вашкевіч. Прысутныя на паседжанні высока ацанілі яго працу: дадаць ім не было чаго.

Адзінай просьбай ад прадстаўнікоў гарвыканкама было, каб у дубляванні назв вуліц абыйсці назвы перыяду Вялікай Айчыннай Вайны, а менавіта — часоў нямецкай акупацыі.

Адзіная праблема, якую агучылі на паседжанні камісіі, гэта рэалізацыя ідэі. Галоўны архітэктар горада Генадзь Таламанаў да дублявання назв ставіцца не вельмі станоўча, бо некаторыя вуліцы цягам гісторыі мелі мноства назваў. Ён не ўяўляе, як можна будзе ўнесці іх усе на шыльду.

На камісіі вырашылі, што да такiх вуліц як Вялікая Траецкая, Сацыялістычная і Гараднічанская ды яшчэ некаторых будуць падыходзіць індывідуальна.

У якім выглядзе будуць размешчаны назвы вуліц на будынках — пакуль не вядома. Гэтым у бліжэйшы час зоймуцца дызайнеры. Вядома, што вуліцы будуць падпісаныя на беларускай мове, магчыма, з дубляваннем на лацінцы. За рэалізацыю праекта возьмецца гродзенскi ЖКГ. Мяркуецца, што таблiцы або шыльды з гістарычнымі назвамі вуліц з’явяцца ў цэнтры Гродна бліжэй да вясны.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025