Горад

Сувеніры ад рамеснікаў, крышталь, алкаголь і цукеркі. У Гродне назвалі самыя папулярныя пакупкі замежных турыстаў

У Гродне назвалі самыя папулярныя пакупкі замежных турыстаў, паведамілі карэспандэнту БЕЛТА ва ўпраўленні спорту і турызму Гродзенскага аблвыканкама.

Упраўленне спорту і турызму апытала менеджараў турыстычных арганізацый рэгіёна з нагоды таго, якія крамы і пакупкі карыстаюцца найбольшым попытам у арганізаваных турыстаў.

Сярэдні чэк — 70 долараў

Паводле іх інфармацыі, найбольш цікавыя замежнікам вырабы народнай творчасці (тавары з гліны, дрэва, саломы, ільну, лазы) у якасці сувеніра. На другім месцы — посуд з крышталя і шкла. Таксама яны набываюць з сабой беларускі алкаголь (гарэлку, бальзамы, настойкі), кандытарскія вырабы, асабліва зефір, мармелад і цукеркі.

Сярод папулярных пакупак — адзенне з натуральных тканін (трыкатаж і бялізна), абутак, беларуская касметыка і лекі.

«Сярэдні чэк турыста, які наведвае Гродзенскую вобласць, складае каля $ 70 без уліку паслуг, уключаных у кошт тура», — адзначыў начальнік упраўлення Алег Андрэйчык.

Таксама ў Гродзенскай вобласці правялі анкетаванне турыстаў у гасцініцах, на чыгуначных і аўтавакзалах з мэтай даведацца пра іх перавагі ў пакупках. Маніторынгі адбыліся ў жніўні і лістападзе 2016 года, іх вынікі апрацоўваюцца Нацыянальным статыстычным камітэтам.

З 26 кастрычніка, калі пачаў дзейнічаць указ аб бязвізавым ўездзе ў спецыяльны турысцка-рэкрэацыйны парк Аўгустоўскі канал, Гродзенскую вобласць наведалі больш 2350 бязвізавых турыстаў, зарэгістраваліся на ўезд такім чынам 2659 замежных грамадзян. У тыдзень абласны цэнтр і парк наведваюць ад 300 да 370 замежных гасцей.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025