У Доме сясцёр назарэтанак у Гродне 20 снежня прайшла традыцыйная акцыя для бяздомных, арганізаваная дабрачыннай арганізацыяй «Карытас». Каля 80 гродзенскіх бяздомных атрымалі «цёплую дапамогу» і пабывалі на святочным абедзе.
Дабрачынная акцыя не выпадкова супала з міжнародным Днём салідарнасьці людзей. Павіншаваць бяздомных з надыходзячым святам прыйшлі біскуп гродзенскай епархіі Юзаф Станеўскі і дырэктар «Карытас-Гродна» ксёндз Раман Рачкоў.
Пачастункі на святочны стол і «цёплыя» падарункі валанцёры «Карытас» сабралі ўласнымі сіламі ў супермаркетах горада і з дапамогай аб’яў у сацыяльных сетках.
«Цёплая дапамога» — шалікі, шапкі, пальчаткі, нам прыносілі пасля аб’яў у сацыяльных сетках. А салодкае на сталы для бяздомных, мы сабралі ў рамках акцыі ў «Алмі». Мы падрыхтавалі падарункаў больш чым для сотні чалавек, а прыйшло каля 80 бяздомных.
Часцей за ўсё мы проста праходзім міма бяздомных на вуліцах горада і імкнемся іх не заўважаць, яны як прывіды. Але такія акцыі дапамагаюць нам задумацца, што гэтым людзям патрэбна наша дапамога. Мы можам дапамагчы гэтым людзям, бо напэўна, яны хацелі б вярнуцца да нармальнага жыцця, — распавяла прадстаўнік «Карытаса» Ганна Высоцкая.
У Ваўкавыску паабразалі гарадскія дрэвы, а некаторыя і прыбралі зусім. Гарадская камунальная гаспадарка апраўдалася перад…
У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай. На…
На закупку кнігі "Наш Президент" у Гродне выдаткуюць 28 080 рублёў ($ 9190). Іх купяць…
На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…