Каб елка змагла ўпрыгожыць навагодні інтэр'ер, ёй трэба расці каля 6−8 гадоў. Такога ўзросту дрэўцы маюць вышыню да 2-х метраў. Вырошчваюцца яны на адмысловых «навагодніх» плантацыях. Ад 20 снежня Гродзенскі лясгас пачаў нарыхтоўку навогодніх елак, а з 21-га дрэўцы паступілі ў продаж.
Каб забяспечыць елачныя базары таварам, брыгады ад самага ранку пачынаюць працу на навагодніх плантацыях. Тут можна пілаваць усе дрэўцы, але Дзмітрый Кулік, майстар лесу Нёманскага лясніцтва, кажа, што стараюцца выбіраць прыгажэйшыя, тыя, што маюць лепшы таварны выгляд.
Калі з усяе дзялянкі спілуюць прыдатныя дрэўцы, то гэта месца звычайна адводзіцца «пад лес». У такіх умовах «нетаварныя» елкі працягваюць расці сярод астатніх дрэваў. Гадоў праз 50−70 яны могуць выкарыстоўвацца ўжо ў якасці таварнай драўніны. Такім чынам, шкоды для лесу ад навагодніх плантацый няма.
У Нёманскім лясніцтве плантацыі навагодніх елак займаюць каля пяці гектараў. За пераднавагодні час адсюль прывозяць у горад прыкладна тысячу ялінак. Цана елак залежыць ад вышыні.
Дрэўца да 1 метра каштуе 8,5 рублёў, ад 1 да 2 метраў - 11 рублёў, 2 — 3 метры — 16,5 рублёў.
У лясгасах на Суворава і Фестывальнай набыць можна не толькі зрэзаныя дрэўцы, але і елкі ў кадках.
Кошт дрэўца ў кадцы складае 25 рублёў.
Сёлета нарыхтоўка ялінак будзе працягвацца да 30 снежня. Попыт на зрэзаныя дрэўцы ёсць і пазней, удакладніў ляснічы Сяргей Русак — на Каляды імі ўпрыгожваюць праваслаўныя храмы.
Тыя дрэўцы, што не знойдуць свайго пакупніка, пойдуць на перапрацоўку ў шчэпкі і будуць выкарыстаны як паліва. Паслясвяточным зборам і ўтылізацыяй праданых елак лясгас не займаецца.
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…