Фота: gpk.gov.by
З 1 студзеня 2017 года ўсе грамадзяне, якія пастаянна пражываюць на тэрыторыі Беларусі, вызваляюцца ад выплаты дзяржаўнай пошліны за ўезд і знаходжанне ў памежнай зоне. Цяпер пры наведванні рэжымнай тэрыторыі неабходна толькі мець з сабой дакумент, які сведчыць асобу (пашпарт, пасведчанне бежанца або від на жыхарства), паведамілі ў прэс-службе Дзяржпагранкамітэта.
Новыя правілы рэгулююцца Законам Рэспублікі Беларусь ад 18 кастрычнiка 2016 года «Аб унясенні змяненняў і дапаўненняў у Падатковы кодэкс Рэспублікі Беларусь». Яшчэ адна актуальная для беларускіх грамадзян змена — тэрмін дзеяння пропускаў у памежную паласу павялічваецца з 1 года да 2-х гадоў. Дзяржпошліна за гэтую паслугу складзе 0,4 базавай велічыні.
Плаціць яе не прыйдзецца жыхарам памежнай зоны, работнікам арганізацый, што вядуць гаспадарчую дзейнасць у памежнай паласе і шэрагу іншых катэгорый грамадзян, для чаго падрыхтаваны адпаведны праект Указа Прэзідэнта.
У новым годзе зменіцца парадак наведвання памежнай зоны і пагранічнай паласы для замежных грамадзян. Так, тэрмін дзеяння пропуску ў пагранзону павялічыцца з 1 года да 2-х гадоў, а стаўка дзяржаўнай пошліны за яго выдачу складзе 0,4 базавай велічыні.
Парадак атрымання пропуску ў памежную паласу будзе такім жа, як і для грамадзян Беларусі. Бясплатна трапіць у памежную паласу зможа іншаземец, які мае пропуск у памежную зону.
Падрабязную інфармацыю пра новыя правілы можна атрымаць у Дзяржпагранкамітэце Беларусі па тэлефоне (017) 329−18−70.
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…