Здароўе і спорт

«Варвары» выйшлі з адпачынку і аб’яўляюць пошук новых гульцоў

З пачаткам лістапада гродзенская каманда амерыканскага футбола «Варвары» выйшла з адпачынку і пачыла рыхтавацца да новага сезону. Спартсмены імкнуцца прыцягваць новых людзей у свае шэрагі.

У мінулым сезоне каманда Аляксея Серабракова выступіла не вельмі ўдала. Сярод чатырох каманд гродзенцы занялі трэцяе месца і не прабіліся ў фінал Усходняй лігі амерыканскага футбола. На выязных гульнях у футбалістаў часта ўзнікалі цяжкасці са складам.

«Пасля чэмпіянату далі час хлопцам падлячыцца, сабрацца з думкамі, ды і проста засумаваць па трэніроўках. На міжсезонне планаў шмат. Натуральна, трэніроўкі пастараемся сістэматызаваць. Мінулы сезон удалым не назавеш — будзем выпраўляць памылкі, падцягваць тэорыю, фізічную падрыхтоўку. Акрамя гэтага як ніколі востра паўстала пытанне недахопу персаналу, ды яшчэ і некалькі найважнейшых гульцоў збіраюцца ў войска, з гэтай прычыны мы плануем актыўна прыцягваць пачаткоўцаў», — распавядае галоўны трэнер гродзенскай каманды Аляксей Серабракоў.

Ужо зараз рэкламны плакат «Варвараў» можна заўважыць на сіцібордзе каля дома Элізы Ажэшкі. Неўзабаве ў горадзе з’явяцца афішы з інфармацыяй пра новы набор у каманду, таксама футбалісты распрацоўваюць білборд.

«Ва ўсім гэтым нам дапамагае рэкламнае агенцтва „Town Labs“, ТАА „СитиБорд“, фатограф Міхаіл Сухараў, гэтак жа разлічваем на працяг супрацоўніцтва з начальнікам аддзела спорту і турызму Гродзенскага аблвыканкама Алегам Андрэйчыкам. Акрамя гэтага фітнес-цэнтр „Еўропа“ прадаставіў нашым гульцам 30% зніжку на наведванне іх залы».

Каб камандзе проста існаваць — такой падтрымкі дастаткова, але каб развівацца і прасоўваць спорт — гэтага мала. Дагэтуль не зразумела дзе праводзіць тэарэтычныя заняткі. Калі арэнда поля для трэніровак у міжсезонні спартсменам па плячу, то ў сезоне ім даводзіцца сур’ёзна эканоміць: арганізаваць хатнія гульні або выезд у Віцебск, Калінінград ці Эстонію справа не танная. Таму трэніравацца хлопцам прыходзіцца на поле Аграрнага ўніверсітэта, без раздзявалак, душа і туалета.

«Нягледзячы на ўсе цяжкасці, цікавасць у гродзенцаў да нашага спорта расце. Праца ў меру нашых сіл вядзем. У думках ёсць таксама варыянт з наведваннем навучальных устаноў горада і наборам студэнтаў там. Таксама трэба нарэшце атрымаць юрыдычны статус, таму цяпер працуем над рэгістрацыяй Грамадскага аб’яднання».

Таксама футбалісты чакаюць адкрыцця новага футбольнага манежа ў Пышках і спадзяюцца, што цана за арэнду для іх будзе прымальнай.

Больш інфармацыі аб камандзе і трэніроўках можна паглядзець тут.

Падзяліцца
Меткі: спортхобі

Апошнія запісы

Міліцыя Гродна склала спісы фанатаў і «дэструктыўна настроеных»

У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…

18 красавіка 2025

Новая амбулаторыя, фантаны і гарадскі забег. Што будзе на 1 траўня ў Гродне (праграма)

Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…

18 красавіка 2025

У 2024 годзе ў Гродне за распаўсюд экстрэмісцкіх матэрыялаў пакаралі 4 непаўналетніх

Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…

18 красавіка 2025

На «Гродна Азот» часта спрацоўвае пажарная сігналізацыя — датчыкі ненадзейныя

На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…

18 красавіка 2025

Для рэйсаў Гродна—Мінск закупілі кітайскіх аўтобусаў на $ 1,5 млн. Яны заменяць многія маршруткі

З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…

17 красавіка 2025

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…

16 красавіка 2025