Больш за 50 гродзенцаў сталі сведкамі ўнікальнага канцэрту «Залатое сячэнне» з выкарыстаннем незвычайных інструментаў: гонгаў, чараў і ракавін. Такі канцэрт 21 кастрычніка прайшоў упершыню не толькі ў Гродне, але і ва ўсёй Беларусі.
Доктар халiстычнай медыцыны, член Міжнароднай асацыяцыі гукатэрапеўтаў, гонг-майстар Андрэй Сутугінас не першы раз выступае ў Гродне, дзе ў яго шмат знаёмых і сяброў. Але калі раней ён праводзіў проста семінары, то цяпер вырашыў арганізаваць цэлы канцэрт.
На працягу двух гадзін майстар лячыў гарадзенцаў сваёй незвычайнай жывой музыкай, якая давала магчымасць хаця б на час гарманізавацца з прыродай і яе гукамі. Дарэчы, акрамя Андрэя Сутугінаса ў Беларусі такой музыкай ніхто не займаецца.
Старажытныя містыкі лічылі, што гук металічнага дыска перадае чалавеку ўніверсальную жыццёвую энергію, гарманізуе яго цела і душу, пазбаўляючы ад страху смерці, вяртаючы да радаснага светаўспрымання. Лічылася, што гукі гонга, уваходзячы ў рэзананс з усімі органамі, лечаць іх і спрыяюць рэгенерацыі клетак арганізма.
«Такі канцэрт-імправізацыя з архаічнымі інструментамі праходзіць упершыню не толькі ў Гродне, але і ў Беларусі. Можа гэта камусьці падасца незвычайным для зроку і слыху, але гэтыя гукі блізкія кожнаму. Я аб’ядноўваю ўсе свае інструменты, каб атрымлівалася аб’ёмнае гучанне», — адзначыў майстар.
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…