Фота: tutgrodno.com
У гродзенскім ЖЭСе № 6 афіцыйна працуе чацвераногі супрацоўнік, зарплату якому плацяць аўсом і сенам, а прэмія выдаецца цукеркамі. Конь Кузя ўжо 18 гадоў з гонарам выконвае ўсе службовыя абавязкі - перавозіць людзей і дастаўляе грузы ва ўсе канцы Гродна. За ўсе гады ён ні разу не быў на бальнічным і не браў адгулы. Увогуле, арэ Кузя як конь. Усе падрабязнасці - у карэспандэнта БТ Дзмітрыя Смірнова.
Кузя, сапраўды, работнік адказны і працуе па штатным раскладзе — з 8 раніцы і да 5-й вечара. Возіць грузы, дастаўляе да месца рамонту рабочых. Іван — галоўны возчык і конюх Гродзенскага ЖЭСа. З Кузям разам яны ўжо сем гадоў праходзяць тэхагляды і стаяць у гарадскіх корках.
Працоўныя конныя маршруты Кузьмы ў дзень расцягваюцца на некалькі кіламетраў. Тэрыторыя шостага ЖЭСа па плошчы — амаль мікрараён. Але, па словах самога Івана, з такім напарнікам кожны дзень на працы — задавальненне.
У ЖЭСе кажуць, што конь у горадзе больш эфектыўны за аўтамабіль. Развярнуцца або прыпаркавацца Кузьме значна прасцей.
У Кузі выдатная памяць — ён памятае фактычна кожны маршрут, па якім хоць аднойчы праехаў. Між тым, ён вельмі адказны — ніколі не праедзе на чырвоны сігнал светлафора.
Клапоцяцца пра Кузьму тут з усёй адказнасцю. Летам, калі ён ночы напралёт праводзіць на пашы, да яго нават прыстаўленая ахова. На ўсялякі выпадак.
А яшчэ ў Кузі і Івана Богдана ёсць адна на дваіх грамата — за шматгадовую і добрасумленную працу.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…