Фота: Валер Юдзін
Гродзенскія электрыкі актыўна ўзяліся за замену лямпаў напальвання на святлодыёды ў вулічных і дваровых свяцільніках. Да канца гэтага года па-новаму запрацуюць ліхтары на 10 вуліцах Гродна, а ў наступным — ужо на 17, піша «СБ. Белорусь сегодня».
Любы чалавек зможа лёгка адрозніць святло ад звычайнай лямпы напальвання і святлодыёда. У першым выпадку яно прыглушана-жоўтае, у другім — белае і яркае. Для спецыялістаў гродзенскага прадпрыемства «Гарсвятло» прынцыповая розніца гэтых двух відаў лямпаў у тым, што святлодыёды спажываюць у два разы менш электраэнергіі і выпраменьваюць больш яркае святло.
Па словах дырэктара ўнітарнага камунальнага вытворчага прадпрыемства «Гарсвятло» Алега Дабравольскага, сёння прыкладна 40% лямпаў на вуліцах горада — святлодыёдныя. Эканамічны эфект ад іх усталёўкі відавочны:
— У гэтым годзе мы ўстанавілі 700 святлодыёдных ліхтароў. Эканомія электраэнергіі ў цэлым па горадзе склала 4%. І гэта нягледзячы на тое, што павялічылася колькасць святлокропак і дадалося каля 40 кіламетраў электрасетак. Лёгка падлічыць, колькі мы эканомім на адной лямпачцы: лямпы напальвання магутнасцю 260−300 ват замяняем на святлодыёды ў 130 ват. Асветленасць паляпшаецца, а энергаспажыванне зніжаецца ў два разы.
Дарэчы, электрыкі паказваюць на яшчэ адну станоўчую асаблівасць новай тэхналогіі: калі звычайная лямпачка перагарае, то яе застаецца толькі выкінуць, а жыццё святлодыёда яшчэ можна падоўжыць.
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…