Штогадовы парад тралейбусаў прайшоў 1 кастрычніка ў Маскве. Сёлета ў калоне электрамашын па сталіцы Расіі ўпершыню прайшоў эксперыментальны дуобус «Белкамунмаша», названы ў гонар князя Вітаўта. Дуобус БКМ 43 303А VitovtMAX, у адрозненні ад звычайных тралейбусаў ці электробусаў, мае ўбудаваны дызельны рухавік, што можа круціць генератарную ўстаноўку. У Маскве VitovtMAX ад пачатку лета праходзіць тэставанне і выкарыстоўваецца на камбінаваных маршрутах, дзе часткова адсутнічае кантактная сетка.
Парад рэтра-тралейбусаў і апошніх навінак гарадскога электратранспарту стартаваў ад Філёўскага аўтобусна-тралейбуснага парка, прашоў па цэнтральных вуліцах горада і спыніўся на Фрунзенскай наберажнай. Тут гараджане маглі бліжэй пазнаёміцца з гістарычнымі і новымі машынамі.
Дуобус БКМ 43 303А VitovtMAX увага масквічоў не абмінула. Футурыстычнага дызайну «гармошка» сабрала шмат цікаўных.
На месцы можна было даведацца, што дуобус адрозніваецца ад тралейбуса ці электробуса тэхнічнымі характарыстыкамі. Электробус возіць запас электрычнасці ў акумулятарах, а калі зарад скончваецца, то патрабуе доўгай падзарадкі. Дуобус мае дызельны рухавік, што круціць генератарную устаноўку і ўвесь час можа выпрацоўваць ток. Такім чынам, запас руху па-за межамі кантактнай сеткі ў яго практычна неабмежаваны — была б саляра ў баку.
Іншыя тэхнічныя характарыстыкі Vitovt’а таксама не маглі не парадаваць карыстальнікаў. Дуобус мае нізкую падлогу, зручны салон з шырокімі праходамі, кандыцыянер і нават разеткі для зарадкі мабільных тэлефонаў ці ноўтбукаў.
Зараз першы беларускі дуобус выкарыстоўваецца ў Маскве на маршрутах Б і Т25, а таксама прайшоў абкатку на маршруце 63. З улікам дэмантажу часткі тралейбуснай кантактнай сеткі ў цэнтры, такі транспарт робіцца для Масквы вельмі запатрабаваным. Апроч магчымасці злучыць раздзеленыя «безкантактным» цэнтрам раёны горада, дуобус не мае абмежавання ходу і не баіцца разрадкі ў маразы. Патрабаванням мегаполіса адпавядае і павышаная змяшчальнасць «гармошкі».
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…