Мяжа з Польшчай. Фота: PAP
Неўзабаве могуць з’явіцца новыя пункты пропуску на польска-беларускай мяжы. Патрэбу іх стварэння абазначыла польска-беларуская камісія па справах рэгіянальнага супрацоўніцтва на паседжанні ў Белавежы, піша dziendobry.bialystok.pl.
Маршалак Падляшскага ваяводства Ежы Лешчынскі некалькі разоў паўтарыў, што патрэбныя новыя пункты пропуску, а таксама паляпшэнне стану памежных дарог у Гродзенскай і Брэсцкай абласцях ды Падляшскім і Люблінскім ваяводствах. Новыя пункты пропуску польскі бок хацеў бы бачыць у Ліпшчанах-Сафіева (кірунак Аўгустова) і Катэрка-Высокае (кірунак Семятычы).
Паляпшэнне інфраструктуры памежжа — ключавая задача для рэгіянальных уладаў па абодвух баках мяжы, падкрэсліў маршалак. Прадстаўнікі Падляшша адзначылі, што супрацоўніцтва з беларускім бокам ужо прынесла вынік у выглядзе адмены віз для наведвальнікаў Аўгустоўскага канала.
У працы камісіі прымалі ўдзел прадстаўнікі адміністрацыі Гродзенскай і Брэсцкай вобласці, самакіравання Падляшскага і Люблінскага ваяводстваў, Еўрарэгіёнаў «Буг», «Нёман» і «Белавежская пушча».
Гэта камісія з’яўляецца часткай Польска-беларускай міжурадавай каардынацыйнай камісіі па справах транспамежнага супрацоўніцтва. Паседжанні камісіі адбываюцца раз у год, рабочых груп — два разы ў год.
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…