Прастора Цэнтра будзе адкрытая для ўсіх: любая ініцыятыва, грамадская арганізацыя ці група актыўных людзей зможа бясплатна скарыстацца памяшканнямі і тэхнічнымі магчымасці новай гарадзенскай пляцоўкі.
Асноўнымі мэтамі дзейнасці «Цэнтра гарадского жыцця» стваральнікі бачаць прэзентацыю беларускай, еўрапейскай, сусветнай культуры, гісторыі, мастацтва і навукі, устойлівае развіццё Гродна ды планаванне, расказаў Павел Мажэйка, дырэктар Цэнтра.
«Мы хочам знаёміць гарадзенцаў з дасягненнямі гарадзенскіх жа творцаў, навукоўцаў, проста цікавых людзей, з ідэямі, задумамі, нават „шалёнымі“. Мы будзем праводзіць дыскусіі, круглыя сталы, майстар-класы, творчыя сустрэчы, арганізоўваць выставы, ствараць арт-праекты. Мы адкрытыя на новыя і смелыя погляды ды ідэі», — дзеліцца планамі Павел Мажэйка.
Стваральнікі Цэнтра прагнуць стаць часткай сучаснай гарадзенскай грамадскай прасторы, плённа супрацоўнічаць з грамадскімі арганізацыямі, ініцытыятывамі, актыўнымі грамадзянамі і проста быць карыснымі для Гродна і гарадзенцаў.
«Мы будзем спрыяць дыскусіям на актуальныя для гарадзенцаў тэмы, імкнуцца падтрымліваць новыя інтэлектуальныя ініцыятывы, а таксама кшталтаваць погляды і перакананні», — гаворыць Павел. Аднак удакладняе: «Але для нас не існуе кампрамісаў, калі размова ідзе пра незалежнасць Беларусі, пра непарушнасць межаў, пра павагу да беларускай культуры і мовы».
Першай падзеяй у Цэнтры стане Тыдзень беларускага мыслення. З праграмай мерапрыемстваў можна пазнаёміцца на старонцы Цэнтру ў фэйсбуку.
Новая ўстанова з'явілася ў старажытным доме на Горкага, 47А. Кавярня “Zолото” ужо працуе ў тэставым…
Уладальнікі "Гарадзенскай кавярні", якая знаходзіцца на вуліцы Маркса, 5, прадаюць установу і з'язджаюць з Гродна.…
Нагодай для гэтага стала абнаўленне гарадскіх пляжаў і неабходнасць абараніць іх ад вандалаў. Зараз на…
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…