4 кастрычніка заканчваецца галасаванне за найлепшы брэнд горада. Яно доўжылася тыдзень з 27 верасня. На конкурс прадстаўлена 32 працы. Галасаваць можна тут 1 раз з аднаго ip-адрасы.
— Сёння заканчваецца галасаванне за канцэпцыю турыстычнага брэнда Гродна. Вынікі на гэты момант нечаканыя. Тым гарачэйшай будзе дыскусія рабочай групы па вызначэнні найлепшых. Прагаласаваць яшчэ можна па спасылцы, а Ваш голас і асабліва каментары вельмі важныя для журы, — напісаў актывіст Дзмітрый Бандарчук, якога ўключылі ў працоўную групу па стварэнні брэнда.
Пакуль рэйтынг выглядае так. Карыстальнікі і ўдзельнікі ўжо казалі, што галасаванне зроблена нязручна: людзі не паспяваюць прагартаць да ніжніх лагатыпаў. Некаторыя казалі пра накрутку галасоў.
Пасля галасавання 10 лепшых аўтараў па выніках галасавання пакажуць прэзентацыю сваіх работ для членаў рабочай групы. Аўтары 5 выбраных у першым туры работ і ідэй, адабраных пасля другога тура, правядуць для членаў журы выніковую прэзентацыю. Пераможцам стане ўдзельнік, які набраў больш за ўсё балаў на глядацкім галасаванні і ад членаў журы.
