Людзі і справы

Не толькі Chemical Brothers: 5 фантастычных выканаўцаў фестывалю Dour, пра якіх вы раней маглі не ведаць

Ёсць шмат прычын паехаць на фестываль Dour. Гэта і нагода паглядзець Бельгію, і падтрымаць мясцовых бельгійскіх вытворцаў, і зрабіць свой унёсак у экалогію. Але на музычным фестывалі галоўнае — музыка. За пяць дзён на Dour можна праслухаць дзясяткі выканаўцаў самых розных гатункаў: ад электронікі і хіп-хопу да індастрыялу і джазу. Праслухаўшы многіх, мы адабралі для вас пяць выканаўцаў, якіх сапраўды варта пачуць ужывую.

Action Bronson

«Барадаты брыльянт сусветнага хіп-хопа, 140 кг жывога таленту, былы шэф-кухар, які прамяняў фартух з кацялком на кепку з роўным брылём, кароль Квінза, у чыіх жылах цячэ кроў габрэйкі-хіпі і албанскага Мусліма, містэр Бэм Бэм і сеньёр Брансаліньё, гарачы прыхільнік рэстлінгу і шалёны чалавек-глыба», — пішуць пра яго.

www.youtube.com/watch?v=debIyWS6Byc

Keys N Krates

Keys N Krates сфармавалася трыма маладымі прадзюсарамі з Таронта — Adam Tune (барабаншчык), David Matisse (сінтэзатар) і Jr. Flo (DJ). Трыа пачало свой творчы шлях у 2008 годзе, граючы лайв-рэміксы і аўтарскія трэкі ў стылях Hip hop, Trap & EDM.

www.youtube.com/watch?v=eDshx6Rg9Hs

Denzel Curry

Дензел Рэй Дон Кары — амерыканскі хіп-хоп-выканаўца з Фларыды. За сваю кар’еру Кары выпусціў два студыйных альбомы: Nostalgic 64 і Imperial, якія атрымалі станоўчыя водгукі крытыкаў. У сваёй творчасці ён адчувае значны ўплыў Тупака Шакура і Буджу Бантан. Творчасць Дензел характарызуецца змрочнымі тэкстамі, а таксама хуткай і агрэсіўнай манерай выканання.

Кары пачаў пісаць вершы яшчэ ў пачатковай школе, а ў 2011 годзе, ва ўзросце 16 гадоў, ён выпускае свой першы мікстэйп King Remembered Underground Tape 1991−1995. Пасля заканчэння старэйшай школы ён сур’ёзна пачаў займацца музыкай і запісаў свой дэбютны альбом Nostalgic 64.

www.youtube.com/watch?v=q8VO4Rm3ulw

Mogwai

Mogwai — шатландскі рок-гурт, утвораны ў Глазга ў 1995 годзе Сцюартам Брэйтсвейтам і Дамінікам Эйтчысанам, які стаў адным з самых вядомых шырокай публіцы прадстаўнікоў пост-року. У музычным плане група зведала ўплыў такіх калектываў як Fugazi, MC5, My Bloody Valentine, Sonic Youth, Pixies, The Cure і Slint. Стыль Mogwai спалучае шугейзынг, мат-рок, і арт-рок.

www.youtube.com/watch?v=luM6oeCM7Yw

R+R=Now

Гэта супергурт, які складаецца з вядомых джазавых музыкантаў, якія паміж сабой сябруюць. Сабраў гурт Роберт Гласпер — адзін з самых заўважных джазавых піяністаў і дасведчаны прадзюсар, які атрымаў «Грэмі» за свае альбомы «Black Radio» і «Black Radio 2», а таксама папрацаваў з Кендрыкам Ламарам, Канье Уэстам, Jay-Z, J Dilla, Эрыкам Бадуеў, Q-Tip, Hiatus Kayote, Снуп Догам, Норай Джонс і многімі іншымі.

www.youtube.com/watch?v=GS2Y_CkaXP0

www.youtube.com/watch?v=GUDTso9yZ64

Што такое Dour?

Фестываль ужо 29 гадоў, з 1989 года, адбываецца ў маленькім мястэчку Дур у французскамоўнай частцы Бельгіі. Гэта самая вялікая музычная і турыстычная падзея ў гэтай частцы краіны і адна з самых арыгінальных у Еўропе: унікальная, неверагодна эклектычная паводле гатункаў музыкі, дзе ёсць і зорныя хэдлайнеры (сёлета гэта не толькі Chemical Brothers, але і мастадонты тыпу Ministry ды Atari Teenage Riot), і мноства новых знаходак. Плюс моцны націск на экалагічную свядомасць і прасоўванне лакальных артыстаў.

Летась, у 2017 годзе, на фестываль прыехала 242 000 чалавек з усёй Еўропы.

Сёлета фестываль пройдзе 11−15 ліпеня. Уся інфармацыя, лайн-ап, спіс сцэнаў і білеты — на сайце фестывалю dourfestival.eu.

ООО «Ирвинга Группа»

УНП 191 751 509

Падзяліцца

Апошнія запісы

Штраф за сцяг, спекуляцыі малаком і сарваны канцэрт — што адбывалася ў Гродне 100 гадоў таму

Гістарычны канал Hrodna 11:27 працягвае публікаваць кароткія фрагменты з жыцця Гродна ў 1924 годзе. Нататкі ўзятыя з…

5 мая 2024

«Баяўся, што мне прад’явяць данаты, за якія павінен адкупіцца». Як гродзенцы на свой страх і рызыку прыязджаюць на радзіму, каб прадаць жыллё

Жонка палітэмігранта Алена эканоміла на манікюры і ездзіла зайцам, каб купіць кватэру - і прадала…

3 мая 2024

$ 200, машынка і мара. 9 гродзенскіх брэндаў, на якія варта звярнуць увагу гэтай вясной

Hrodna.life сабраў у адным месцы некалькі лакальных дызайнераў, у якіх можна абнавіць гардэроб гэтай вясной.…

3 мая 2024

Мерцающие, мраморные и яйца дракона. Тренды Тик Ток на Пасху 2023

Как покрасить яйца необычно? Из фиолетовой капусты можно получить изумрудный цвет, из вина получаются яйца,…

2 мая 2024

У беларускіх студэнтаў у Польшчы з’явіліся праблемы з візамі: МЗС адмаўляе, тэрмін скарачаецца

Беларускім студэнтам пачалі адмаўляць у візе для вучобы за мяжой. Тэрміны, на якія віза выдаецца,…

30 красавіка 2024

«Ходзяць чуткі, што яе завербавалі». Што гродзенцы напісалі ў 600 зваротах у КДБ

Каля 600 зваротаў, адпраўленых гродзенцамі або звязаных з Гродна, ёсць у базе зваротаў у КДБ.…

30 красавіка 2024