Гродзенец Яўген Кіслы прыняў удзел у расійскім музычным шоў «Привет, Андрей». Там ён выканаў песню «Птица счастья». Запіс праграмы, прысвечанай песням пра птушак, апублікавалі 2 снежня 2023 года. Фрагмент свайго выступу гродзенец апублікаваў на сваёй старонцы ў Instagram.
«Калі мне патэлефанавала рэдактар праграмы і запрасіла паўдзельнічаць, падумаў, што гэта нейкі розыгрыш. Апынулася, што рэдактары звярнулі ўвагу на мой выступ у сацыяльных сетках. Выкананне песні ім спадабалася. І вось так я патрапіў у гэты дзіўны свет тэлебачання», — сказаў Яўген Кіслы выданню Newgrodno.by.
Падчас выканання Яўгенам песні гледачы ўсталі са сваіх месцаў - пачалі танчыць і падпяваць. «Перадаць такі настрой можа толькі шчаслівы чалавек», — сказаў тэлевядоўца Андрэй Малахаў. Яму гродзенец падарыў кавалак хатняга сала.
Чытайце таксама: «Вольга, давай завядзем дзяцей!». Фатограф з Гродна трапіў на шоу да Бузавай
Яўгену Кісламу 29 гадоў. Ён піша і выконвае ўласныя песні. Таксама ён кіраўнік народнага ансамбля песні «Нёман» Гродзенскага гарадскога цэнтра культуры.
«Калісьці музыка была простым хобі. Я тады не мог уявіць, што праз 15 гадоў усё так разгарнецца і закруціцца. А сёння музыка — гэта частка мяне. Яна дарыць мне натхненне, зараджае настроем і дазваляе развівацца і рухацца да ўсё новых вяршыняў, якія калісьці падаваліся недасяжнымі», — сказаў Кіслы.
Жыхарка Астраўца апублікавала ў "Аднакласніках" сумеснае фота палюбоўніцы з яе мужам. У подпісе да фота…
На шклозаводзе "Нёман" у Бярозаўцы прайшлі затрыманні. У Гродне за падпіскі ў Telegram судзілі непаўналетнюю.…
Адзінаццацігадовая дзяўчынка, якая пацярпела на лідскім атракцыёне, знаходзіцца ў Лідскай цэнтральнай раённай бальніцы. Яе шпіталізавалі…
Гродзенцы Зміцер і Вольга Фурманавы адкрываюць у цэнтры Вільні краму і творчую прастору "Kropka". Там…
Тры новыя тралейбусы з запасам аўтаномнага ходу да 20 км ужо паступілі ў Аўтобуснае ўпраўленне…
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…