Навіны

У Гродне будуць паказваць прапагандысцкае і Z-кіно. Кошт — 50 капеек

У раскладзе гродзенскіх кінатэатраў з’явіліся расійскі і беларускі прапагандысцкі фільмы. У «Космасе» пакажуць «дакументальны фільм «Убойная посылка». У «Кастрычніку» — фільм «Cвидетель» пра «злачынствы ўкраінскіх вайскоўцаў» падчас вайны, зняты расіянамі.

«Убойную пасылку» пакажуць адзін раз — у нядзелю, 27 жніўня. Выбраць крэсла-мяшок або канапу нельга — гэтая опцыя недаступная. Кошт на звычайнае месца — 50 капеек. Усе месцы вольныя (на скрыншоце занятае месца — тое, што паспрабаваў купіць журналіст Hrodna.life).

«Убойную посылку» называюць фільмам-расследаваннем, як КДБ прадухіліў тэракт на Дзень Перамогі. Гэта, па сутнасці, фільм у фільме. Ён пачынаецца з таго, што студэнт атрымлівае паведамленне ад сябра з-за мяжы з просьбай забраць пасылку. А пасля прыходзіць на інфармацыйную гадзіну ва ўніверсітэце, дзе паказваюць фільм пра тое, як у падобных пасылках дасылаюць выбухоўку. У канцы фільма хлопец адмаўляецца дапамагчы сябру.

Фільм паказвалі ў навучальных установах і на дзяржпрадпрыемствах.

Аншлага не будзе

«Свидетель» будуць паказваць у Гродне раз на дзень як мінімум да 30 жніўня. Але пакуль на фільм ніхто не збіраецца. Дарэчы, на прэм’еру фільма ў Мінску прыйшлі толькі чатыры чалавекі, што абразіла Вольгу Бондараву.

На буднія дні на фільм можна схадзіць за 6 рублёў, у выходныя — за 8−9.

Што за фільм?

«Даніэль Коэн, скрыпач-віртуоз з Бельгіі, лічыць сябе грамадзянінам свету, верыць у дабро і справядлівасць. У канцы лютага 2022 г. ён прыязджае на гастролі ў Кіеў, і гэтая паездка назаўжды змяняе яго жыццё. Падзеі спецыяльнай ваеннай аперацыі прыводзяць музыканта ва ўкраінскі пасёлак Сямідзверы, дзе ён становіцца сведкам бесчалавечных злачынстваў і крывавых правакацый (украінскіх вайскоўцаў — Hrodna.life). Цяпер яго галоўная мэта не проста выжыць, а данесці праўду да ўсяго свету. Бо праўда мацнейшая за страх», — напісалі ў анатацыі.

Рэжысёр — Давід Дадунашвілі. Ён зняў шэсць фільмаў з сярэдняй ацэнкай у 5.5 балаў на «Кінапошуку». Рэйтынг фільма «Свидетель» закрылі. Таксама Дадунашвілі дапамагаў Сарэку Андрэасяну. Фільм здымалі на субсідыю Міністэрства культуры РФ на вытворчасць гульнявога поўнаметражнага фільма «сацыяльна значнай тэматыкі аб глабальных геапалітычных і сацыяльных зменах у гісторыі сучаснай Расіі».

«Горад менш за ўсё падобны на Кіеў, ды і наогул ні на які горад не падобны, але каго гэта хвалюе? Праўда, хацелася б зразумець, што ўсё ж такі адбываецца ў фільме на кіеўскіх вуліцах, што гэта за бушуючая, да зубоў ўзброеная гапата, чаму па горадзе носяцца ўсе гэтыя страшныя людзі, якія рабуюць гандлёвыя цэнтры („чуеш, Мыкола, там яшчэ столькі сціралак і мікрахвалевак засталося — айда туды!“) і паляць у паветра. Je suis Cohen! Я таксама нічога не разумею!», — напісала пра фільм крытык Кацярына Барабаш.

Затое выданне «Аргументы и факты» апісвае фільм як адну з «нешматлікіх спробаў прадстаўнікоў нашага кінабізнесу растлумачыць, што цяпер адбываецца на Украіне. Адкрыць вочы і замежным гледачам, і некаторым нашым суайчыннікам, якія дагэтуль сумняваюцца, на тое, як скажаюць праўду на Захадзе, распавесці пра той жах, які нясуць з сабой на данбаскую зямлю ўкраінскія карнікі».

Чытайце таксама:

Падзяліцца

Апошнія запісы

Сцяг Перамогі над драмтэатрам, каша ў кубачках і сплаў з партрэтамі. Як Гродна адзначыў Дзень Перамогі

Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…

10 мая 2024

Новы экстрым у Гродне: каля гандлёвага цэнтра катаюць на дрыфт-трайках

Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…

9 мая 2024

Да двух сутак. Як беларусы стаяць у чэргах на мяжы 9 траўня

У пачатку вялікіх выхадных у Беларусі чэргі на мяжы зноў выраслі - на гэты раз…

9 мая 2024

Нешта пайшло не так: у Гродне закрываюць бар VIP, які толькі адкрыўся

У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…

9 мая 2024

Краму «АвтоЗапчасти» ў Гродне зноў хочуць збанкруціць. Гаспадар скардзіўся на АМАП

Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…

8 мая 2024

На літоўска-беларускай мяжы затрымалі два Tesla Cybertruck: падазраюць, што іх везлі ў Расію

Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…

8 мая 2024