Чарніцы малая, лісічкі з Парэчча. Што па чым прадаюць на рынках Гродна?

У Беларусі пачаўся ягадны сезон, пайшлі і першыя лісічкі. Калі не атрымліваецца выехаць у лес, няма прычыны адмаўляць сабе ў свежай чарніцы. Сезонныя ягады і грыбы з’явіліся на гродзенскіх рынках.

Чарніцы з лісцем і без

5 ліпеня, амаль у сярэдзіне тыдня, буйныя, але з лісцем чарніцы на Скідзельскім рынку каштавалі ад 5,9 рублёў за кілаграм. Імаверна, што ягады збіралі ручным камбайнам. На гандлёвых шэрагах прадаўцоў чарніц зусім няшмат — можна палічыць па пальцах адной рукі, піша «Вячэрні Гродна». Чарніцы збіралі ў раёне Парэчча — Узберажы.

Больш прадаўцоў ягад стаіць на падыходах да рынку, там, дзе гандлююць з зямлі. За чарніцу там просяць 7 рублёў за літр. Суніцы каштуюць па 5 рублёў за шклянку, за паўлітра выходзіць 10 рублёў.

Чарніцы прадаюць таксама на гродзенскіх міні-рынках. Буйная ягада без лісця на Девятоўцы або на Вішняўцы каштуе 10 рублёў за літр.

Грыбоў пакуль мала

Лісічкі пакуль прадаюць толькі па-за месцамі стацыянарнага гандлю. Журналісты адшукалі ўсяго двух прадаўцоў. Літр буйных лісічак каштаваў 7 рублёў. Іх сабралі на балотах у раёне Парэчча. На іншых рынках Гродна лісічак пакуль не знайшлі.

А што з іншымі ягадамі і бульбай?

Цэны на чарэшню, клубніцы і бульбу ў параўнанні з мінулым месяцам працягнулі падаць. Так, у другой палове чэрвеня чырвоная чарэшня каштавала 11,9−15,9 рублёў за кілаграм, клубніцы — ад 6, але часцей — 7−8 рублёў за кілаграм, бульба — 2,5−3,5 рубля за кілаграм. Цана на кавуны стаіць на месцы, амаль не змянілася і на абрыкосы: была 6,9−7,9 рублёў.

Актуальные цены сейчас такие:

• парэчка чырвоная і чорная — 4,50 рублёў,
• агрэст — 6,90 рублёў,
• жоўтая чарэшня — 9 рублёў,
• чырвоная чарэшня — ад 5,80 да 16 рублёў,
• клубніцы — ад 5 да 9 рублёў,
• буякі - ад 16 да 38 рублёў,
• вішня — 3 рублі,
• кавун — 3,50 рублёў,
• абрыкосы — 7,50 рублёў,
• сліва — 10 рублёў,
• свежая бульба — 1,50 рублёў.

Чытайце таксама: Згушчонка, клубніцы, агурок і не толькі. Пяць рэцэптаў хатняга ліманаду, якія ратуюць у спёку