Скідзельскі цукровы камбінат. Фота: Яндекс.Карты
Сяргея Кулікоўскага, аднаго з экс-кіраўнікоў Скідзельскага цукровага камбіната, збіраюцца перавесці на «хатнюю хімію». У студзені 2021 года яго асудзілі ў Гродзенскім раённым судзе на пяць гадоў калоніі ўзмоцненага рэжыму. Прычынай сталі хабары.
9 чэрвеня ў cудзе Гродзенскага раёна прайшло пасяджэнне аб змякчэнні пакарання і перавядзенні Кулікоўскага на «хатнюю хімію». Суддзя — Віталь Сініла. Вынікі паседжання пакуль невядомыя.
Раней Кулікоўскага прызналі вінаватым паводле ч.1 і ч. 2 арт. 430 КК «Атрыманне хабару». Таксама экс-кіраўнік павінен быў выплаціць штраф у 500 базавых велічынь, тады — 14 500 рублёў. Ён на пяць гадоў пазбаўлены права займаць пасады, звязаныя з выкананнем адміністрацыйна-гаспадарчых і арганізацыйна-распарадчых абавязкаў.
Пра тое, што абвінавачаны па справе — былы намеснік гендырэктара Скідзельскага цукровага камбіната Сяргей Кулікоўскі, пісаў Sputnik.by. Кіраўніка затрымалі ў ліпені 2020.
На камбінаце ён адказваў за набыццё і перапрацоўку цукровых буракоў і сырца. Следчыя налічылі 16 фактаў атрымання хабараў на суму звыш 16 000 рублёў з 2015-га па ліпень 2020 года. Яму перадавалі грошы за садзейнічанне ў заключэнні выгадных дагавораў перавозак цукровых буракоў і забеспячэнне пастаяннага супрацоўніцтва з акцыянерным таварыствам.
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…