У Гродне адключалі электрычнасць. Фота: "АўтаГродна"
Днём 19 красавіка ў некалькіх раёнах горада знікала электрычнасць. У прыватнасці, яе не было ў цэнтры, у ТРК Triniti, на Дзевятоўцы, у Альшанцы, у частцы дамоў на Урублеўскага. Святло знікла таксама ў Парэччы і Верцілішках. Часова спыніўся «Гродна Азот».
Акрамя таго, у некаторых частках Гродна чулі гук сірэны.
Электрычнасць знікала мінімум на 10 хвілін. Гэта здарылася пасля 16:20. Святла не было і ва ўніверсітэтах, удакладняе сайт motolko.help са спасылкай на інфармацыю ад гараджан.
Электрычнасці не было ў цэнтры, на Ліможа і на Таўлая, у раёне радзільні. На Белых Росах не было святла і знікла халодная вада, пазней святло з’явілася, а вось вада знікла ўся, піша «АвтоГродно». Не працавала аўтамыйка на выездзе з горада. Не працавалі святлафоры і крамы, сталі тралейбусы, у прыватнасці на Румлёўскім мосце.
«Многія кіроўцы былі няўважлівыя падчас адключэння святлафораў і наогул не ведалі, што рабіць», — скардзіліся чытачы «АвтоГродно».
Знікла электрычнасць у асобных спажыўцоў і ў зоне электразабеспячэння Гродзенскага раёна на ўчастку падстанцыі «Гродна-Паўднёвая», удакладнілі пазней у «Гроднаэнерго».
На дадзены момант электразабеспячэнне часткова аднавілі. Прычыны тэхналагічнага парушэння высвятляюць.
«Гроднаэнерга» папрасіў прабачэння перад жыхарамі Гродна і Гродзенскага раёна за прынесеныя нязручнасці.
Нумары тэлефонаў дыспетчарскіх службаў па тэрытарыяльным размяшчэнні можна знайсці на сайце арганізацыі. Кароткі нумар аварыйных службаў электра- і цепласетак — 115.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…