"Гродна Азот". Фота ілюстрацыйнае: "Гродзенскі хімік", Валерый Васілевіч
Праз адключэнні электрычнасці ў горадзе часова стаў і «Гродна Азот». Пры аднаўленні вытворчасці азотнай кіслаты над заводам будзе бачны «лісіны хвост». Пускавыя аперацыі могуць працягвацца некалькі сутак.
Спынілася вытворчасць капралактаму, карбаміду, метанолу і АКіКАС ААТ «Гродна Азот», паведаміла прэс-служба прадпрыемства.
Персанал прымае меры па стабілізацыі сітуацыі і аднаўленню працы прадпрыемства.
Для ўтылізацыі гаручых рэчываў, якія ўваходзяць у склад тэхналагічнага газу, згодна з рэгламенам прыйдзецца спаліць газ на факельнай устаноўцы. Пускавыя аперацыі могуць працягвацца некалькі сутак. З іх заканчэннем спальванне тэхналагічнага газу на факельнай ўстаноўцы спыніцца.
Пры запуску аддзяленняў вытворчасці азотнай кіслаты кароткачасова можа быць бачны «лісіны хвост» — газ характэрнага жоўтага колеру, які ўяўляе сабой злучэнне кіслароду і азоту (дыяксід азоту NO2).
Пагрозы гораду, экалогіі, жыхарам і работнікам прадпрыемства няма, падкрэслілі ў прэс-службе «Азота».
Днём 19 красавіка ў некаторых раёнах горада і ваколіцах знікала электрычнасць. Не працавалі святлафоры і крамы, спыніліся тралейбусы, у некаторых раёнах знікла вада.
Чытайце таксама:
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…