Навучэнцы ліцэя МУС у Мінску. Ілюстрацыйнае фота. Крыніца: belkadet.by
Ліцэй Міністэрства ўнутраных спраў могуць адкрыць у Гродне. Такую задачу міністру ўнутраных спраў Івану Кубракову паставіў Аляксандр Лукашэнка. Гэта адбылося 14 лістапада 2022 года падчас нарады аб стане аператыўнай сітуацыі ў краіне і развіцці сістэмы ўнутраных спраў, паведаміла БелТА.
Падчас даклада Кубракоў прапанаваў адкрыць ліцэй МУС у Магілёве. Але Лукашэнка сказаў адкрыць такія ліцэі ва ўсіх рэгіёнах Беларусі. Паводле БелТА, выконваць гэтую задачу ў МУС пачнуць неадкладна.
Пры паступленні ў мінскі ліцэй МУС у 2022 год конкурс перавышаў тры чалавекі на месца. У МУС лічаць, што пасля сканчэння ліцэя навучэнцы будуць паступаць у інстытут, акадэмію МУС і навучальны цэнтр.
Падрыхтоўка будучых кадраў МУС пачынаецца з 9 гадоў. У гэтым узросце дзеці могуць пайсці ў патрыятычныя клубы. Іх стварылі пры вайсковых частках унутранных войскаў МУС. У такіх клубах займаюцца каля 2 тыс. чалавек.
У Гродне такі клуб адкрылі ў 2022 годзе. Яго размясцілі на базе вайсковай часткі 5522 на вуліцы Чырвонаармейскай. Падчас адкрыцця клуба ў ім было 60 удзельнікаў. Планавалася, што дзяцей будуць навучаць вайсковай справе і знаёміць са зброяй.
Чытайце таксама: У 2020-м разганялі пратэсты, а зараз будуць вучыць дзяцей: у Гродне стварылі вайскова-патрыятычны клуб
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…