Юлія Юргілевіч. Фота: gka.grodno.by
Праваабарончая арганізацыя «Вясна» 1 лістапада прызнала палітзняволенай адвакатку з Гродна Юлію Юргілевіч. Таксама ўпершыню назвалі артыкул, па якім Юлію заключылі пад варту — 361−4 КК «Садзейнічанне экстрэмісцкай дзейнасці». Раней яго не разгалошвалі.
Юліі пагражае да шасці гадоў пазбаўлення волі.
Юлію Юргілевч затрымалі 30 жніўня. Яна з’язджала з Беларусі пасля пазбаўлення адвакацкай ліцэнзіі, але напярэдадні вярнулася ў краіну. 23 лютага Юлію выключылі са складу Гродзенскай абласной калегіі адвакатаў за «сістэматычныя парушэнні заканадаўства», а пасля — пазбавілі ліцэнзіі.
Юлія працавала адвакатам амаль 18 гадоў. Пасля жніўня 2020 года яна абараняла абвінавачаных па палітычных справах. Юргілевіч абараняла ў судзе Вольгу Верамеенка з крамы «Адметнасць», абвінавачаную па справе аб счэпцы, Андрэя Сакалоўскага па той жа справе, Андрэя Аўсіевіча, якога судзілі за каментар. Амапаўцы адмаўляліся ад іскаў аб кампенсацыі маральнай шкоды пасля яе допыту.
На 1 лістапада ў Беларусі 1357 чалавек прызнаныя палітвязнямі.
Чытайце таксама: «Хачу паглядзець ім у вочы». Успамінаем крымінальныя справы адвакаткі Юліі Юргілевіч, якую затрымалі ў Гродне
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…