На аўкцыён выставілі незавершаныя не закансерваваныя тэнісныя корты па вул. Палявая, 15/1 і права арэнды самога ўчастка плошчай 0,4261 га.
Паводле ўмоваў аўкцыёна, нерухомасць можна рэканструяваць пад аб’ект спартыўнага прызначэння. Пераможца павінен будзе звярнуцца ў Гродзенскі гарвыканкам па дазвол на праектныя і пошукавыя працы і будаўніцтва тэнісных кортаў.
На продаж выставілі:
Пачатковы кошт за ўсё, разам з правам арэнды надзела на 50 гадоў, — 218 950 руб. Гэта 86,5 тысяч долараў. Зараз пляцоўкай валодае дзяржава — Гродзенскі гарадскі фізкультурна-спартыўны клуб.
На ўчастку ёсць абмежаванні. Ён трапляе ў водаахоўную зону ракі і ў зону аховы матэрыяльных гісторыка-культурных каштоўнасцяў (гістарычны цэнтр Гродна). Распрацаваць праектную дакументацыю пакупнік павінен будзе за год, увесці нерухомасць у эксплуатацыю — не пазней, чым праз тры гады пасля пакупкі.
Аўкцыён прызначылі на 12 кастрычніка. Апошні дзень падачы заявак на ўдзел — 6 кастрычніка да 16.00. Арганізатар таргоў - камітэт «Гроднааблмаёмасць».
Тэрыторыя каля Каложскага парку лічыцца адным з самых дарагіх і прэстыжных раёнаў катэджнай забудовы. Неафіцыйна яе называюць"гродзенскай Рублёўкай" за выгоднае размяшчэнне і кошт надзелаў. Апошні даступны надзел у 10 сотак там купілі ў жніўні 2022 года за 167,7 тысяч рублёў. Ён размешчаны як раз каля недабудаваных кортаў.
Будаваць кортаў у гэтым месцы пачалі яшчэ ў 2010 годзе. Па плане, яны павінны былі стаць першым прыватным спартыўным аб’ектам у Гродне. Таксама тут хацелі пабудаваць кавярню. Калі верыць фатаграфіям «Яндекс.Карт» і Гродзенскага форума, пляцоўка было цалкам закінута ўжо ў 2011−2012 гадах.
Потым нейкі час выкарыстоўвалі пляцоўку для гонак на картынгах. Апошнія гады яна пустуе. У сакавіку 2022 года на ацэнку кошту недабудаваных тэнісных кортаў планавалі накіраваць 1 тысячу рублёў, а пасля ацэнкі - выставіць на продаж.
Чытайце таксама:
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…