Аналітык Беларускага інстытута стратэгічных даследаванняў Аляксей Аўдонін на АНТ палічыў, колькі, на яго думку, Польшча павінна Беларусі за час акупацыі беларускай тэрыторыі ў пачатку мінулага стагоддзя.
Аўдонін звярнуў увагу на нядаўна агучаны намер польскіх уладаў атрымаць рэпарацыі ад Нямеччыны за Другую сусветную вайну. Па яго словах, калі зыходзіць з працягласці акупацыі, палякам прыйдзецца заплаціць Беларусі значна больш, чым яны хочуць атрымаць ад ФРГ.
«Калі мы гаворым пра рэпарацыі… Сейм Польшчы прыняў рашэнне аб выстаўленні рэпарацый Германіі, памер іх польскімі палітыкамі ацэньваецца ў 1,3 трыльёна долараў. Але гэта за фактычна пяць гадоў акупацыі. А калі браць увесь перыяд [акупацыі палякамі Заходняй Беларусі] - крыху больш за 17 гадоў, атрымліваецца, што яны нам павінны блізу 5 трыльёнаў долараў», — упэўнены ён.
Да гэтага «прад'яўляць рахунак палякам» прапаноўваў былы дэкан філасофскага факультэта БДУ, прапагандыст Вадзім Гігін. Ён лічыць, што рэпарацыі варта патрабаваць за штучнае затарможванне развіцця Заходняй Беларусі, выпампоўванне сельскагаспадарчых рэсурсаў, паніжаную аплату работнікам і шкоду культурным помнікам — закрыццё праваслаўных цэркваў, знішчэнне школ, газет, стварэнне канцлагера ў Бярозе-Картузскай.
Тэму рэпарацый ад Германіі 1 верасня падняў лідар кіруючай у Польшчы кансерватыўнай партыі «Права і справядлівасць» Яраслаў Качыньскі. Спецыяльна створаная камісія вызначыла суму ў 6,2 трлн польскіх злотых (блізу 1,32 трлн долараў). У 2019 годзе прадстаўнікі партыі казалі пра суму ў 850 млрд долараў.
У Германіі ж пытанне выплат за злачынствы нацыянал-сацыялістаў пад час Другой сусветнай вайны лічаць вычарпаным.
Чытайце таксама:
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…
Віцэ-спікер Сената Польшчы Мацей Жыўна ўмяшаецца ў пытанне з закрытай мяжой. Ён звернецца ў Міністэрства…
Мост праз Юрысдыку на вуліцы Філарэта (былая Горкага) ў Гродне чакае капітальны рамонт. У час…
У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава…
9 траўня ў Гродне адбудзецца маштабнае святкаванне Дня Перамогі. У 2024 годзе ў Беларусі адзначаюць…