Рух мотатранспарту праз цэнтр горада забароняць з 22:00 да 6:00. Пра гэта паведаміў Telegram-канал «Гродно Плюс».
Дзяржаўтаінспекцыя будзе адсочваць сітуацыю, а па выніках эксперымента, магчыма, ўвядуць дадатковыя сталыя зоны абмежавання ў начны час.
Калі пачнуць эксперымент, як доўга ён працягнецца, а таксама якія вуліцы закране «Гродна Плюс» не паведаміў. Але на ўездзе на вуліцу Кірава з праспекта Касманаўтаў ўжо вісіць знак які абмяжоўвае рух матацыклаў, заўважыў «АвтоГродно».
«АўтаГродна» склаў карту вуліц, закрытых для матачыклаў у начны час.
У 2019 годзе гродзенскі актывіст Аляксандр Лаўрэнцьеў прасіў старшыню Гродзенскага гарвыканкама Мечыслава Гоя дапамагчы з матацыклістамі, якія шумяць уначы. Тады, ён збіраў подпісы гараджан.
Са скаргай у ДАІ звяртаўся і гродзенскі актывіст Мікалай Салянік. Там яго папрасілі даказаць, што матацыклісты парушаюць парадак.
За шум пакаранне не прадугледжана, а ўзровень шуму правяраюць на спецыяльных станцыях. Ён не павінен перавышаць 96 дэцыбел (гук адбойнага малатка на адлегласці 1 метр — 110 дэцыбел). Калі ў матацыкла гучнасць большая — ён не зможа прайсці тэхагляд.
Чытайце таксама: Што адбываецца ў горадзе пасля захаду сонца? Слухайце «начны» выпуск урбаністычнага падкаста
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…