Неизвестные пришли в Гродненский детский хоспис 12 марта. Скриншот Hrodna.life
Увечары 12 сакавіка ў памяшканні Гродзенскага дзіцячага хоспіса ў будынку царквы па вул. Дамейкі, 7 узламалі дзверы — туды ўвайшлі невядомыя ў цывільным. Нікога з супрацоўнікаў у гэты час не было. Відэа ўзлому патрапіла на камеру назірання хоспіса. Запіс выклала ў Facebook дырэктарка хоспіса Вольга Вялічка, якая цяпер знаходзіцца за мяжой.
«Царкоўны паслугач узломваў дзверы, бацюшка стаяў побач», — распавяла Вольга Hrodna.life. Паводле яе слоў, дзверы ўскрылі па просьбе Следчага камітэта. Па версіі Вольгі, яны шукалі апарат штучнай вентыляцыі лёгкіх. У выніку невядомыя зрабілі ў хоспісе фота і сышлі.
У хоспісе гэта лічаць незаконным узломам дзвярэй. Яны плануюць звярнуцца ў міліцыю.
Грамадская дабрачынная арганізацыя «Гродзенскі дзіцячы хоспіс» была заснавана 19 верасня 2008 года для дапамогі цяжка і безнадзейна хворым дзецям, якія маюць множныя парушэнні развіцця, і іх сем’ям. Цяпер хоспіс дапамагае больш чым 50 сем’ям.
Чытайце таксама:
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…