Юрий Дергавко после освобождения
У нядзелю 8 лістапада ў Гродне акцыі пратэсту не было. Гродзенцы шпацыравалі невялікімі групамі па вул. Савецкай без сімволікі і лозунгаў. У цэнтр прыехалі некалькі аўтазакаў, з’явіліся таніраваныя мікрааўтобусы і заштораныя аўтобусы з сілавікамі. Затрымалі толькі аднаго чалавека. Чаму, ён сам так і не зразумеў.
Веласіпедыста Юрыя Дзяргаўку затрымалі каля 13:00 каля гандлёвага дома «Нёман», калі ён спыніўся.
«Я ў слухаўках слухаў урокі нямецкай мовы і прамаўляў словы. Можа гэта і паслужыла сігналам. Да мяне падышлі некалькі чалавек у цывільным і папрасілі прайсці з імі. Я спрабаваў даказаць, што слухаю ўрокі, але гэта не дапамагло», — распавёў Hrodna.life Юрый.
Юрыя завялі ў мікрааўтобус, які быў прыпаркаваны ў раёне вуліцы Тэльмана. Супрацоўнікі дазволілі яму прышпіліць ровар.
«Прычыну затрымання мне не казалі. Толькі потым сказалі, што я выклікаў падазрэнне, калі павітаўся з чалавекам. У машыне давялося пагутарыць з сілавікамі. Хтосьці з іх нават прадставіўся, можа выдуманымі імёнамі. Адзін скардзіўся, што людзі яго ўшчамляюць і праклінаюць. Але я не мог зразумець, чаму ён мне гэта прад’яўляе. Я проста быў у цэнтры і слухаў урок, а мяне затрымалі».
Юрыя даставілі ў Ленінскі РАУС. Там яго апыталі і пасадзілі пад аховай у актавую залу.
«У міліцыі пратакол на мяне не складалі. Спачатку завялі ў нейкі склеп, дзе былі маты і спартыўны інвентар, а пасля ў актавую залу. У выніку на Дубко я правёў каля трох гадзін. Пыталіся, ці меў я пры сабе сцягі і стужачкі. У мяне іх не было. На выхадзе я ўдакладніў, якая была прычына майго затрымання. Адказалі - высвятленне асобы. Але пры затрыманні гэтага не казалі».
Іншых затрыманых у РАУС Юрый не бачыў. Паводле інфармацыі праваабарончага цэнтра «Вясна», у Гродне быў таксама затрыманы Ігар Шаціла. Яго, як і Юрыя, даставілі ў Ленінскі РАУС.
Чытайце таксама:
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…