Вертолет МИ-24. Фото: vsr.mil.by
Міністэрства абароны ў сваім тэлеграм-канале напісала аб спробе парушэння паветранай прасторы Беларусі. З тэрыторыі Літвы «быў запушчаны зонд з васьмі паветраных шароў з антыдзяржаўнай сімволікай».
Яго заўважылі 23 жніўня каля 19.30 у Ашмянскім раёне дзяжурныя сілы ВПС і войскаў СПА.
Экіпажы верталётаў МІ-24 з складу дзяжурных войскаў СПА перапынілі палёт шароў без прымянення зброі.
Міністэрства абароны накіравала матэрыялы ў Міністэрства замежных спраў для падрыхтоўкі ноты літоўскаму баку.
З-за меркаванага парушэння паветранай прасторы Літвы падчас правядзення «Шляху свабоды» ў панядзелак МЗС Літвы ўручыла ноту амбасадару Беларусі, паведаміла Delfi.lt.
«Іх верталёт парушыў нашу паветраную прастору. І сёння паслу Беларусі была ўручана нота рашучага пратэсту», — паведаміў у панядзелак агенцтву BNS міністр замежных спраў Лінас Лінкявічус. Ён заявіў, што верталёт быў бачны ў Медніках, у канцы жывога ланцуга людзей. «Яго можна было бачыць візуальна. У нас ёсць інфармацыя нашага кантролю за паветранай прасторай, што ёсць парушэнне», — дадаў кіраўнік дыпламатычнай службы Літвы.
Чытайце таксама:
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…