На Паўднёвым рынку ў Гродне — страйк, паведамілі Hrodna.life двое чытачоў незалежна адзін ад аднаго. Прадпрымальнікі маюць намер не працаваць некалькі дзён.
«Усё там гудзіць, машын куча сігналяць, людзей мора, паляцелі мянты ўжо туды!», — паведаміў сведка.
Каля 11:50 бок рынку на вялікай хуткасці праехала машына хуткай з маякамі.
«Прыбеглі тры дзяўчыны, раскрычаліся: зачыняецца! Пойдзем ратаваць людзей! Там забіваюць», — распавяла карэспандэнту Hrodna.Life адна з прадаўцоў на рынку.
Яна дадала, што закрыццё гандлёвых кропак пачалося паміж 10.00 і 11.00 12 жніўня. АМАПу і міліцыі на рынку няма і не было, сведчаць прадаўцы. Практычна ўсе шапікі на рынку цяпер зачыненыя.
Прадаўцы б/у аўтазапчастак на Паўднёвым рынку ў Гродне закрываюць свае кропкі проста цяпер. Яны далучаюцца да пратэсту, кажа адзін з прадаўцоў, Віктар. Мінімум да панядзелка ніхто з іх не будзе працаваць, перадаў карэспандэнт Hrodna.Life.
У адміністрацыі рынка Гродна інфармацыю пра сённяшнюю забастоўку прадпрымальнікаў пракаментавалі «Нашай Н**е»:
«Сёння аб 11-й гадзіне каля 250 прадпрымальнікаў згарнулі гандаль і сышлі», — адзначыў прадстаўнік адміністрацыі. Усяго на рынку каля 2000 гандлёвых месцаў.
Чытайце таксама:
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…