Урад і Нацыянальны банк Беларусі паведамілі 30 сакавіка пра пачатак перамоваў з Міжнародным валютным фондам аб фінансавай падтрымцы «ў сувязі з выклікамі, што паўсталі перад эканомікай краіны з прычыны пагаршэння глабальнай эканамічнай сітуацыі і пандэміі каранавіруса».
Паводле іх супольнага прэс-рэлізу, гаворка ідзе пра «інструмент хуткага фінансавання МВФ», прызначаны для пераадолення сітуацыяў, якія вымагаюць экстранага фінансавання. МВФ раней заяўляў, што гатовы даць краінам з «сярэднім узроўнем даходу» на гэтыя мэты да 40 млрд долараў, піша «Радыё С**бода».
«Зыходзячы з умоваў доступу да інструменту хуткага фінансавання», Беларусь можа прэтэндаваць на крэдыт каля 900 млн долараў.
У канцы мінулага тыдня паведамлялася, што ў МВФ зафіксавалі небывалы ўсплёск запытаў экстранае фінансаванне. Такія запыты тады падала 81 краіна, уключна з 50 дзяржавамі з нізкім узроўнем даходу насельніцтва і 31 дзяржавай з сярэднімі даходамі.
Яшчэ тыдзень таму, 23 сакавіка віцэ-прэм'ер Беларусі Дзмітры Круты казаў, што Беларусь ня будзе звяртацца ў МВФ па экстранае фінансаванне ў сувязі з пандэміяй каранавіруса. Перамовы аб новай краінавай праграме пачнуцца пасля прэзідэнцкіх выбараў, казаў Круты, бо фонд «не вядзе перамоваў пра крэдыты падчас электаральных кампаній».
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…