Здарэнне адбылося каля 20:00 у пятніцу 29 лістапада. Як паведамляюць відавочцы, на дзяўчыну звалілася будаўнічая агароджа. Пацярпелую забралі ў лякарню ў цяжкім стане.
На месцы здарэння працуе міліцыя і следчы камітэт.
Будаўнічыя працы ў доме № 67 па вуліцы Горкага праходзяць ужо некалькі месяцаў. Сведкам здарэння стала чытачка Hrodna.life Эмілія:
— Я ішла з трэніроўкі па вуліцы Горкага і насупраць Дома навукі і тэхнікі якраз праходзіць рэстаўрацыя фасада жылога дома. Там стаяў натоўп людзей і я спачатку не зразумела, што адбываецца. Думала, можа будаўнікі прыехалі падняць агароджу, якая ўпала. Але калі падышла бліжэй, то ўбачыла лужыну крыві і ў ёй дзяўчыну-бландынку. Я была ў шоку, бо ў любы момант што-небудзь можа зваліцца на любога мінака, і ты нават пра гэта не падазраеш.
Вядома, што пацярпелая была ў цяжкім стане, яе павезлі ў бальніцу. Афіцыйнай інфармацыі па гэтым здарэнні яшчэ няма.
Гэта ўжо не першы выпадак у 2019 годзе на Горкага, калі будаўнічая агароджа падае. У сакавіку недалёка ад сённяшняга месца здарэння будаўнічы плот зваліўся на машыну.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…