4 лістапада падчас дэмантажу старога надмагілля на могілках па вуліцы Перамогі працоўны выявіў снарады часоў Другой сусветнай вайны. Як небяспечныя боепрыпасы апынуліся на могілках, можна толькі меркаваць.
Пасля выяўлення знаходкі працоўны Сяргей Кузняцоў патэлефанаваў у міліцыю. Праз некаторы час на могілках з’явіліся праваахоўныя органы, якія выставілі ачапленне. Па словах Сяргея, на наступны дзень прыбыла і сапёрная група.
Працоўны распавёў, што пахаванне, дзе ён ставіць помнік, даваеннае. Але надмагілле там усталявалі толькі пасля вайны.
«Людзі замовілі новы помнік, а стары трэба было дэмантаваць, — распавядае Сяргей Кузняцоў. — Але ў часе дэмантажу ў старым бетоне я выявіў тры снарады. Ёсць меркаванне, што іх туды паклалі замест арматуры або камянёў. Я вельмі здзівіўся такой знаходцы. Пагутарыў з больш дасведчанымі таварышамі, так і яны былі ў шоку. Кажуць, за некалькі дзясяткаў гадоў установак помнікаў у Гродне такіх знаходак не было «.
5 лістапада сапёры вывезлі снарады з тэрыторыі могілак, каб знішчыць іх на палігоне. Са слоў Сяргея, некаторыя з іх былі цэлыя, але са згнілым выбухоўнікам.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…