У скверы за былым Палацам тэкстыльшчыкаў больш за тыдзень праходзяць археалагічныя раскопкі. Пасля раскопак там пачнуць будаваць адміністрацыйна-гандлёвы комплекс з трох будынкаў.
Забудоўшчык паабяцаў, што раскопкі будуць доўжыцца столькі, колькі спатрэбіцца археолагам, хоць тэрміны самога будаўніцтва абмежаваныя ў часе. Заказчыкам будаўніцтва выступае ЗТАА «ДТ-груп» — інвестары з Літвы, якія валодаюць сеткай піцэрый Pizza&Coffee і прыпынкавымі павільёнамі Z-маркет. Заказчык ужо прайшоў усе гарадскія абмеркаванні і ўзгадненні ў Міністэрстве культуры.
«Ужо тыдзень праходзяць дбайныя раскопкі. Мы стварылі спецыяльную экспедыцыю сумесна з мясцовымі гісторыкамі, валанцёрамі і мінскімі археолагамі, — распавядае гродзенскі археолаг Наталля Пачобут. — Задзейнічана на раскопках некалькі чалавек. Пакуль знаходак не вельмі шмат, у некаторых месцах пласты былі знішчаныя яшчэ ў 1920−30-х гадах. У месцах, дзе пласты 19 стагоддзя, падвалы знішчаны. Здолелі пакуль знайсці каляровую печкавую кафлю з выявай арыстакрата, некаторыя манеты 17 стагоддзя і іншыя знаходкі».
Калісьці на месцы сквера на Замкавай размяшчаўся Дом рыбака — каменны аднапавярховы будынак 16 стагоддзя, дзе, па некаторых версіях, жыў кіраўнік гарадзенскага цэха рыбакоў. У 1960-х усе будынкі ў гэтым раёне знеслі з-за будаўніцтва Дома быту. Вядома, што ў цэнтры Гродна будзе пабудавана не дакладная копія знесеных пабудоў, але вонкава яны будуць вельмі падобныя да тых, якія там стаялі 100 гадоў таму.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…