t.me/cpbelarus
У Лідзе засыпала сцяной работніка свінакомплекса. Прыкладна ў 14.05 у нядзелю, 29 верасня, кіроўца аўтамабіля МАЗ даставіў у Едкі, на тэрыторыю свінакомплексу «Прагрэс» ААТ «Лідахлебапрадукт», камбікорм і пашкодзіў будынак склада.
Выгрузіўшы камбікорм ўнутры склада i не апусцiўшы грузавую платформу ў транспартнае становішча, кіроўца пачаў выязджаць назад. Паднятай платформай аўтамабіля ён закрануў перамычку брамы, і яна разам з часткай сцены склада абрынулася. 50-гадовы грузчык свінакомплексу, які знаходзіўся каля будынку, быў смяротна траўмаваны, піша lidanews.by, спасылаючыся на начальніка Лідскага міжраённага аддзела Дэпартамента дзяржаўнай інспекцыі працы Андрэя Магільніцкага.
— Цяпер праводзіцца расследаванне, — адзначае Андрэй Магільніцкі. — Але ўжо можна адназначна сказаць, што асноўным парушэннем, што пацягнула за сабой няшчасны выпадак, з’яўляецца парушэнне кіроўцам аўтамабіля патрабаванняў бяспекі. Таксама следчымі органамі вядзецца праверка для дачы прававой ацэнкі дзеянням кіроўцы.
Па словах Андрэя Магільніцкага, гэта першы выпадак са смяротным зыходам, які адбыўся ў бягучым годзе ў раёне. Усяго ж з пачатку года на Лідчыне зафіксавана 26 няшчасных выпадкаў, у 6 з іх працаўнікі атрымалі цяжкія вытворчыя траўмы.
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…