Два работнікі Шчучынскага прадпрыемства меліярацыйных сістэм днём 2 верасня былі шпіталізаваныя з прыкметамі атручвання каналізацыйнымі газамі. Увечары гэтага ж дня адзін з працаўнікоў, 62-гадовы мужчына, памёр у рэанімацыйным аддзяленні. Следчы камітэт пачаў крымінальную справу.
Следчыя выявілі, што галоўны інжынер прадпрыемства накіраваў работнікаў у каналізацыйны калодзеж, размешчаны на тэрыторыі былога аэрадрома. Пры гэтым перад пачаткам працаў якіх-небудзь вымярэнняў прыборамі на наяўнасць атрутных рэчываў у калодзежы не здзяйснялася, нарад-допуск ня выпісваўся, паведамляе telegram-канал Следчага камітэта.
Знаходзячыся ў калодзежы, абодва працоўныя адчулі недамаганне, адзін з іх страціў прытомнасць. Самастойна выбрацца яны не маглі. Крыкі другога пачуў працоўны, які праходзіў міма, ён і выклікаў ратаўнікоў. Прыбыўшы на месца, тыя дасталі пацярпелых з калодзежа.
У дачыненні да галоўнага інжынера ўзбуджана крымінальная справа па ч.2 арт. 428 Крымінальнага кодэкса («Службовая халатнасць»). Расследаванне працягваецца.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…