У суботу, 25 мая беларускі гурт Akute выступіць у якасці хэдлайнера на гарадскім пікніку Vulitsa Ezha, які пройдзе ў Гродне ўжо ў другі раз. На выступе магілёўцы прадставяць кампазіцыі са свайго новага пятага студыйнага альбома, які так і называецца — 'V'. Пачуюць госці фестывалю і лепшыя песні з папярэдніх чатырох пласцінак.
У альбом, які магілёўскія рокеры рыхтавалі каля года, увайшлі 8 трэкаў. У іх стварэнні прымалі ўдзел не толькі Akute, але і іншыя выканаўцы: магілёвец Дзяніс Астапаў («Грязь») і французская актрыса Мары Ле Гал. Музыкі працягнулі эксперыментаваць: на новай плыце фірмовы дыска-дэкаданс зайграў у электронным гучанні з адметнымі рысамі групы.
Па словах музыкаў, ад папярэдніх пласцінка адрозніваецца наяўнасцю новых інструментаў, якія раней не выкарыстоўваліся — гэта сінтэзатары, розныя марэрнавыя гукі і класічныя электронныя інструменты.
«У альбоме шмат электронікі, якой раней у Akute не было, і гэта наш першы досвед працы з ёй. Альбом цалкам запісаны і зведзены намі на нашай студыі. Мы ўпершыню паспрабавалі сябе ў саўнд-дызайне і змаглі аформіць песні менавіта так, як яны гучалі ў нас у галаве», — адзначае Станіслаў Мытнік, вакаліст Akute.
У падтрымку альбома праходзіць тур Akute па Беларусі, які стартаваў у красавіку. Новы сінтэзатарны альбом у жывым выкананні ўжо пачулі Віцебск, Гомель, Магілёў, Мінск і Брэст. А ўжо ў гэтую суботу такая магчымасць з’явіцца і ў жыхароў Гродна.
Што: гарадскі пікнік Vulitsa Ezha
Калі: 25 мая
Пачатак: 20:00
Дзе: ЦСК «Нёман», г. Гродна, вул. Камунальная, 3
Кошт: 5 BYN
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…