З сакавіка пачала функцыянаваць новая версія сайта органаў унутраных спраў Рэспублікі Беларусь, якая ўключае ў сябе модуль «Асабісты кабінет». Пасля рэгістрацыі на сайце карыстальнікі атрымліваюць магчымасць карыстацца онлайн-сэрвісамі МУС, сярод якіх і інфармаванне пра штрафы, паведамляе прэс-служба МУС Рэспублікі Беларусь.
Па ініцыятыве Дзяржаўтаінспекцыі МУС Беларусі зарабіў сэрвіс, які дазваляе правяраць наяўнасць запазычанасці па штрафах, а таксама атрымліваць апавяшчэнні пра іх у асабісты кабінет і на адрас электроннай пошты.
З канца красавіка ў тэставым рэжыме праводзіцца рассыланне апавяшчэнняў зарэгістраваным карыстальнікам аб вынясенні пастаноў па фактах парушэнняў ПДР, зафіксаваным у аўтаматычным рэжыме.
Умовай для атрымання паведамлення аб штрафах па фотафіксацыі парушэнняў ПДР з’яўляецца рэгістрацыя на сайце АУС у модулі «Асабісты кабінет». Зарэгістраванай асобе не спатрэбіцца ўказваць рэгістрацыйны знак яго транспартнага сродку, бо праверка праводзіцца па асабістым нумары ўласніка.
У выпадку вынясення пастановы ўласніку транспартнага сродку, зарэгістраванаму на сайце, на адрас электроннай пошты прыходзіць апавяшчэнне. У «Асабістым кабінеце» можна атрымаць падрабязную інфармацыю пра штраф (рэгістрацыйны нумар пастановы, сума, дата), а таксама інструкцыю аб тым, дзе і як можна яго аплаціць.
Штрафы па лініі ДАІ аплачваюцца выключна з дапамогай сістэмы «Разлік» АРІП.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…