Пра гэта ўвечары 1 сакавіка на сваёй старонцы ў facebook паведаміў краязнаўца Алесь Госцеў. Аляксей Дземідовіч працаваў на Гродзенскім радыё, быў адным са стваральнікаў музея Васіля Быкава ў Гродне.
— Пайшоў у Вечнасць цудоўны, светлы чалавек, цікавы беларускі паэт, таленавіты журналіст, апошні кіраўнік музея Васіля Быкава ў Гародні. Аляксей Сідаравіч адносіўся да пакалення «дзяцей вайны» і ўсё свае сумленнае жыццё высока нёс харугву Працавітасці і Творчага пачатку. Прафесійны журналіст, ён шмат гадоў працаваў на Гродзенскім радыё, а апошнія свае пятнаццаць гадоў прысвяціў справе грамадскага музея Васіля Быкава ў Гародні. І я, як сябра Рады гэтага музея шэраг гадоў меў шчаслівую магчымасць працаваць з ім разам. Так сталася, што і грамадскі музей Васіля Быкава ў Гародні, і яго апошні кіраўнік скончылі свой жыццёвы шлях амаль адначасова. Светлая памяць аб Аляксеі Сідаравічы назаўсёды застанецца ў маім сэрцы, — распавёў Алесь Госцеў.
[irp posts="105 738″ name="Музей Быкова закрылся: экспозиция переезжает в музей Богдановича"]
Музей Васіля Быкава стаў для сталага журналіста сапраўднаю справаю жыцця, але ў апошнія гады за стану свайго здароўя ён займаўся ім менш.
Апошняе інтэрв'ю з Аляксеям Сідаравічам мы рабілі ў 2017 годзе, тады ён распавядаў, што музеем моладзь не цікавіцца, а гарадскія ўлады амаль не дапамагаюць. Ужо тады журналіст казаў, што музей пераедзе. У выніку ў лютым 2019 года музей Васіля Быкава пераехаў у дом-музей Максіма Багдановіча.
Рэдакцыя Hrodna.life выказвае спачуванні родным і блізкім Аляксея Дземідовіча.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…