Канферэнцыя «Устанем у праломе!» і міжнародная малітва супраць антысемітызму і нацызму праходзіць у Гродне 2 сакавіка ў пратэстанцкай царкве «Надзея». Яна аб’яднала вернікаў розных канфесій і дэнамінацый: баптыстаў, пяцідзесятнікаў, каталікоў і грэкакаталікоў, праваслаўных і месіянскіх яўрэяў.
Ва ўмовах нарастаючых антысеміцкіх настрояў у навакольным свеце хрысціянскія лідэры канфесій, разумеючы важнасць адзінства моляцца супраць духу антысемітызму і дабраслаўляюць яўрэяўскі народ. Такое рэлігійнае мерапрыемства праходзіць у Гродне другі год запар.
«Гэта ініцыятыва міжнародная, якая пайшла з Кіева, — распавядае арганізатар ў Гродне Яўген Калодзін. — Рух мае на ўвазе малітву супраць антысемітызму і нацызму. У Гродне на агульнацаркоўным узроўні мы праводзім малітву другі год запар. У гэтым годзе ў нас сабраліся прадстаўнікі 14 розных канфесій і абшчын Гродна і 7 прыезджых. Для нас такая малітва важная, мы выступаем за мір і за тое, каб наш рэгіён заставаўся здаровым, і па ранейшым такім шматкультурным і шматнацыянальным.
У свеце ў міжнароднай малітве супраць антысемітызму і нацызму прымае ўдзел каля 50 краін.
Мерапрыемствы ў царкве «Надзея» будуць праходзіць да 17:00.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…