На вуліцы Леніна з 29 снежня пачала працу невялікая кавярня «Пад носам». Тут усяго 10 месцаў. Фішкай стануць пітныя супы.
З-за маленькай плошчы ў кавярні будуць папулярызаваць ежу на вынас.
«Мне здаецца, вуліца Леніна ў Гродне — адна з самых цікавых. Таму мы і вырашылі тут адкрыцца, — кажа ўладальнік Сяргей. — Гэта вуліца паміж двума вакзаламі і яна не можа не быць папулярнай. Гэта сёння тут дзве-тры кавяранькі, але ў будучыні будзе больш. Такая ж сітуацыя і з вуліцай Будзёнага».
Каб адкрыць кавярню Сяргею спатрэбілася ўсяго 2,5 месяцы: столькі заняў пошук памяшкання, збор усіх дакументаў і рамонт.
Сяргей распавядае, што назву «Пад носам» выбралі з-за таго, што калі паглядзець на будынак здалёк, то там, дзе адкрылася кавярня, можна ўбачыць уваход-рот і вокны-вочы.
«А наогул канцэпцыя такая — не трэба нічога шукаць, у нас усё ёсць, як той казаў - пад носам. У кавярні можна і паесці, і выпіць кавы ці смачнага крафтавага піва. Нашай фішкай стануць пітныя супы. Гэта не Ролтан, а натуральны добры прадукт, у тым ліку і для вегетарыянцаў. Ёсць задумкі і наконт закусак, але гэта планы на бліжэйшую будучыню».
Адрас: Леніна, 14
Час працы: штодзённа з 9:00 да 21:00. У студзені кавярня пачне працаваць з 8:00.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…