На сёлетнюю «начную дзясятку» ўпершыню прыехалі харваты — сям’я Врабац з горада Карлавац. Яны скарысталіся бязвізавым уездам. Спаборніцтвы, што прайшлі ўвечары 4 жніўня пад Гродна, ім спадабаліся і яны плануюць калі-небудзь яшчэ прыняць удзел у гродзенскіх стартах.
«Калі мы ехалі ў Гродна да бабулі, мы ведалі, што побач будуць праходзіць спаборніцтвы, — распавядае глава сямейства Нікіца. — Ведалі пра «дзясятку» яшчэ летась, а сёлета вырашылі так падладзіць даты прыезду, каб прыняць удзел у гэтых спаборніцтвах.
Нечаканай прыемнасцю для нас стаў харвацкі сцяг каля старту. За гэта арганізатарам вялікі дзякуй".
У «начной дзясятцы» прыняло ўдзел больш за 200 чалавек з пяці краін. Спаборнічалі яны на трох дыстанцыях: 3333 м, 10 км, і ўпершыню — 21,1 км.
Нікіца Врабац бег 10 км, а астатнія члены яго сям'і - 3333 м.
«Бегчы было цяжка, былі ўздымы. Былі цяжкасці і з асвятленнем на некаторых участках. А так усё спадабалася — арганізацыя супер. Дзякуй усім, магчыма, мы яшчэ сюды вернемся», — дадаў Нікіца.
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…