У бліжэйшы час будзе зменена арганізацыя дарожнага руху на скрыжаванні вуліц Брыкеля і Ліможа ў Гродне. За 5 гадоў тут у аварыях пацярпелі сем чалавек, шэсць з іх — пешаходы. На гэтым участку прыбяруць адзін пешаходны пераход, а таксама зменяць парадак руху па палосах і ўсталююць дадатковыя агароджы і светлафоры, паведамляе ДАІ.
Найбольш небяспечныя месцы на скрыжаванні - пешаходныя пераходы праз вуліцу Брыкеля. Адзін пераход (з боку вуліцы Дзяржынскага) не абсталяваны астраўком бяспекі, а тут — шэсць палос руху. Скрыжаванне пешаходамі праезнай часткі па другім пераходзе (з астраўком бяспекі) уступае ў канфлікт з левапаваротным транспартным патокам з Ліможа. Акрамя таго, транспарту нязручны левы паварот з вуліцы Брыкеля.
Праблему вырашаць так: прыбяруць адзін пешаходны пераход праз вуліцу Брыкеля (з боку вуліцы Дзяржынскага). Таксама зменяць парадак руху па палосах пры ўездзе транспартных сродкаў на скрыжаванне з вуліцы Ліможа: першая паласа руху — для павароту направа, другая — налева і на разварот.
Затым ўсталююць дадатковыя святлафоры, а для таго каб пешаходы не пераходзілі дарогу ў неналежным месцы, ўсталююць дадатковыя агароджы.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…