Шостая запар: З буйным лікам «Нёман» абыграў у Маладзечне мясцовае «Дынама»

Пасля працяглай міжнароднай паўзы аднавіўся чэмпіянат Беларусі па хакеі. У Маладзечне 20 лістапада «Нёман» разграміў мясцовае «Дынама» з лікам 6: 2.

Падапечныя Сяргея Пушкова правялі ў Маладзечне добры паядынак, дзе на працягу ўсяго матчу валодалі перавагай. У складзе гродзенцаў дубль аформіў Стэфановіч, таксама шайбы закінулі Пасют, Рэмезаў, Жыдкіх і Бадун. У «Дынама» вызначыліся Васільчук і Бялевіч.

«Дынама-Маладзечна» — «Нёман» — 2: 6 (0: 2, 1: 1, 1: 3)

0: 1 — Стэфановіч (Багданоўскі) 02:24
0: 2 — Рэмезаў (Марчанка) 14:50
0: 3 — Жыдкіх (Метлюк, Пасют) 21:02
1: 3 — Васільчук (Мацярухін) 26:10
1: 4 — Пасют (Жыдкіх) 41:55
1: 5 — Бадун (Маляўка, Баярчук) 45:39
1: 6 — Стэфановіч (Дзерлюк, Лісічкін) 48:02
2: 6 — Бялевіч (Летаў) 54:05

Перамога над «Дынама» стала для гродзенцаў шостая запар. Зараз «Нёман» працягвае знаходзіцца на чацвёртым радку ў турнiрнай табліцы і мае ў сваім актыве 39 ачкоў.

Свой наступны матч каманда Пушкова правядзе ў чацвер 23 лістапада ў Гродне, дзе будзе прымаць «Віцебск.»