Выстава «Літва. Нацыянальныя касцюмы. Гарадзішчы ў фатаграфіях» адкрылася 14 лістапада ў Гродзенскім музеі гісторыі рэлігіі пры падтрымцы Генеральнага консульства Літвы. У музеі выстаўлена больш за 20 фатаграфій старажытных гарадзішчаў і 10 нацыянальных касцюмаў Літвы ХIХ — пачатку ХХ стагоддзяў.
2017 год у Літве абвешчаны годам гарадзішчаў. Літоўцы правялі ў інтэрнэце галасаванне за найпрыгажэйшае гарадзішча. У Гродне літоўскі бок прадставіў самыя лепшыя здымкі гарадзішчаў ад фатографа Альбертаса Швенчыёнiса.
Акрамя здымкаў гарадзішчаў, У музеі можна таксама пазнаёміцца i з мастацтвам традыцыйнага літоўскага касцюма.
«У нас у Літве шмат нацыянальных касцюмаў падобных да беларускіх, асабліва на паўднёвай тэрыторыі. Але ў Гродна мы прывезлі рэканструкцыю касцюмаў больш літоўскіх, каб беларусам было цікава пазнаёміцца з культурай суседзяў бліжэй.
Касцюмы гэта рэканструкцыя адзення XIX — пачатку XIX стагоддзяў. — распавядае распрацоўшчык нацыянальных літоўскіх касцюмаў Данута Катуракеня. — Гэтай тэмай я займаюся каля 20 гадоў. У нас у музеях Літвы не было цалкам складзеных нацыянальных касцюмаў, усё па дэталях. Я ж паспрабавала сабраць усё ў цэлае».
Выстава «Літва. Нацыянальныя касцюмы. Гарадзішчы ў фатаграфіях» у музеі гісторыі рэлігіі будзе доўжыцца да 15 снежня.
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…