Гродзенская спартсменка Таццяна Мацко на чэмпіянаце свету па самба, які праходзіў у Сочы з 10 па 13 лістапада, заваявала залаты медаль і зноў стала наймацнейшай самбісткай у свеце.
Змагалася 24-гадовая гродзенка ў вагавой катэгорыі да 64 кг. У фінале Мацко з лікам 10:0 перамагла італьянскую спартсменку Аліс Перын і стала чэмпіёнкай свету 2017 года.
«Гэта ўжо другі запар май залаты медаль. Папярэдні я заваявала на чэмпіянаце свету ў Балгарыі. Шлях да гэтага медаля быў вельмі складаны — праз траўмы, праз слёзы: нешта не атрымліваецца, ты хвалюешся, але ўсё роўна працягваеш ісці і ў выніку гэта ўзнагароджваецца. Галоўная матывацыя — даказаць, што ты лепшы.
Дзякуй родным і блізкім, якія дапамагаюць у цяжкую хвіліну не здавацца і працягваць ісці наперад. Спыняцца на дасягнутым не планую. Двухразовая чэмпіёнка свету — гэта добра, але будзе выдатна стаць трохразовай і чатырохразовай. Калі самба ўключаць у Алімпіяду, буду змагацца за тое, каб выйграць алімпійскае «золата». А цяпер вядзем падрыхтоўку з прыцэлам на Еўрапейскія гульні, якія пройдуць у Мінску", — распавяла Таццяна пасля фінальнага паядынку прадстаўнікам міжнароднай федэрацыі самба.
Мацко з’яўляецца не толькі двухразовай чэмпіёнкай свету, але і дзеючым чэмпіёнам Еўропы і Еўрапейскіх гульняў у Баку. Трэніруецца гродзенская самбістка пад кіраўніцтвам трэнера Аляксандра Бардзіна.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…