vk.com/ryabov_anarchism
Гісторыка Пятра Рабава, які быў асуджаны ў Баранавічах на шэсць сутак адміністрацыйнага арышту, дэпартуюць з тэрыторыі Беларусі. Увечары 16 кастрычніка, пасля вызвалення яго павезлі ў цягніку да Смаленска ў суправаджэнні міліцыянтаў у цывільным. Паводле папярэдняй інфармацыі, Пятру Рабаву закрыюць уезд у Беларусь на 10 гадоў.
Пётр Рабаў - сучасны расійскі анархіст, удзельнік «Аўтаномнага дзеяння», кандыдат філасофскіх навук, дацэнт кафедры філасофіі Маскоўскага Педагагічнага Дзяржаўнага Універсітэта. У Рабава 9 кастрычніка мелі адбыцца дзве лекцыі ў Гродне: «Лібертарная сацыяльная думка апошняй траціны XX — пач. XXI cтст.» і «Нефармальны рух у Беларусі ў 1991 — 2010 гг.». Але супрацоўнікі АМАП прыпынілі мерапрыемства і забралі ў Ленінскі РАУС лектара і 18 слухачоў, сярод якіх былі пераважна студэнты гуманітарных спецыяльнасцей. У РАУСе іх пратрымалі больш за тры гадзіны.
10 кастрычніка Пятра Рабава затрымалі на вакзале ў Баранавічах і асудзілі на шэсць сутак. Суд прызнаў яго вінаватым у здзяйсненні адміністрацыйнага правапарушэння па артыкулах 17.1 і 17.11 КаАП (дробнае хуліганства і распаўсюджванне інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць).
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…