У сераду 27 верасня ў 11.30 у Гродзенскай вобласці будзе праводзіцца планавая праверка сістэмы апавяшчэння насельніцтва, паведамілі ў абласным упраўленні МНС.
Гэта неабходна для таго, каб пераканацца ў тэхнічнай працаздольнасці сістэмы і якаснай працы ў выпадку ўзнікнення надзвычайных сітуацый або стыхійных бедстваў. Падобныя мерапрыемствы праводзяцца двойчы ў год.
Гук, які выдаюць сірэны, распаўсюджваецца ў радыусе 300−400 метраў і з’яўляецца папераджальным сігналам грамадзянскай абароны аб небяспецы. Ён азначае «Увага ўсім!». Пачуўшы яго, трэба ўключыць радыёпрыёмнікі або тэлевізары і праслухаць паведамленне.
У бліжэйшую сераду пры ўключэнні сірэн жыхароў і гасцей рэгіёну МНС просіць не паддавацца паніцы і з разуменнем паставіцца да праверкі. Таксама абвесткі будуць праходзіць праз каналы эфірнага і кабельнага тэлебачання ды радыёвяшчання.
Выкарыстанне розных сродкаў давядзення інфармацыі дазваляе значна павысіць эфектыўнасць абвесткі ў выпадку надзвычайных сітуацый і, адпаведна, мінімізаваць непажаданыя наступствы.
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…