Пасля масавай спілоўкі дрэў уздоўж Iндурскай шашы жыхары Паўднёвага пачалі збіраць подпісы і рыхтуюць калектыўны зварот у адміністрацыю Кастрычніцкага раёна. Яны будуць патрабаваць справаздачы аб праведзенай рабоце гарадскіх службаў, а таксама пералік дакументаў, якія дазваляючых высечку насаджэнняў.
Зборам подпісаў у Паўднёвым займаецца жыхарка вуліцы Цэнтральнай Анастасія Мучко. За адну гадзіну жанчыне ўдалося сабраць больш за 40 подпісаў.
«Дарога нам неабходная, але не за кошт дрэў. Мы збіралі подпісы, каб запрасіць гарадскія службы на дыялог і не весці перапiску, якая займае шмат часу. Жыхары Паўднёвага заклапочаныя масавай высечкай і мы гэта пакінуць без увагі не можам. Хацелася б даведацца на якіх падставах гэта адбываецца. Нас, жыхароў, ніхто не інфармаваў з гэтай нагоды. Таксама хацелася б даведацца, ці гатовыя службы высадзіць у нас новыя дрэвы, бо для жыхароў гэта вельмі важна».
1. Па якіх прычынах высеклі зялёныя насаджэнні і ёсць дакумент, які пацвярджае прычыны?
2. Кім, калі і ці быў выдадзены дазвол на працы?
3. Хто непасрэдна займаўся высечкай?
4. Ці апавяшчалі загадзя мясцовых жыхароў аб высечцы?
5. Ці ёсць дакумент, на якім пазначаны зялёныя насаджэнні, якiя падлягаюць выдаленню?
6. Дзе канкрэтна будуць рабіцца кампенсацыйныя пасадкі?
Таксама яны просяць правесці інструктаж супрацоўнікаў, каб тыя належным чынам забеспячалі тэрыторыю — агароджвалі яе стужкай.
Паводле інфармацыі гродзенскiх эколагаў, прадстаўнікі гарадскіх службаў пойдуць на дыялог з жыхарамі Паўднёвага і распавядуць аб высечцы дрэў. Магчыма, гэта адбудзецца на працягу некалькіх бліжэйшых дзён.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…